Карл Роџерс е млад Британец кој со татко му купува 300 години стара фарма на југот на Франција, и веќе неколку години лично работи на нејзиното реновирање. Како што објаснува, татко му е градежник, а тој самиот прави сè што ќе му биде кажано.
Паралелно со ова секоја фаза од операцијата е педантно заведена на Јутјуб на неговиот канал „carlrogers“.
Карл тврди дека целиот проект не е така скап како што изгледа, и дека најскапиот влог во сето ова му е времето. А не изгледа така како што зборува, затоа што зафатот е сериозно голем и на располагање има опрема од мал багер, до најразличен професионален рачен алат.
Видеата главно му се делат во три категории:
- Градежни видеа за долгометражно медитирање и/или кревање јадови зошто ти истото не го правиш со твојата куќа во село:
- Направи сам водичи за крупни проекти како одводен канал или ставање „кошулица“ во 300 години стар објект:
- Странични проекти како реставрирање Ланд ровер, велосипед или секира:
