Во ера на сеприсутен консумеризам и постојано бомбардирање со реклами што нè тераат да купуваме, се појавува нов тренд што се противи на оваа култура. Под хаштагот #underconsumptioncore, корисниците на ТикТок почнуваат да го слават свесното трошење и ова е еден од правците во кои се движи светот што нè тера да мислиме дека не баш сè е тргнато во бестрага. Ова е се коси и со една од најкритикуваните страни на ТикТок, односно повикувањето на материјализам и консумеризам.
@dainty.nugs Some underconsumption tips ive been trying to follow this year, i am actually spending WAY less already than last year on material items and way more on experiences, traveling, hobbies and spending time with loved ones! #underconsumption #deinfluencing #underconsumptioncore ♬ original sound - speedz!
За разлика од консумеристичките трендови, што поттикнуваат на трупање непотребни предмети, новиов ја нагласува и потсетува на нормалноста во поседувањето минимални количини. Стари и износени патики, наследен мебел и козметика што се користи до последната капка. Наместо да се срамат од старите и видливо истрошени предмети, луѓето сега со гордост ги покажуваат, нагласувајќи ја нивната долготрајност и практичност, но и функционалност. Не е битно дали нешто изгледа износено или истрошено - вредноста му се одредува со тоа дали ја врши својата улога успешно.
Уште еден аспект на трендот е противењето на брзата мода и промовирањето на одржливост и купување и производство на квалитетни, долготрајни и функционални предмети. Акцент се става на користење до самиот рок на траење, со што се намалува прекумерното трошење и загадување на околината. Движењето е дел од поширок тренд на свесна потрошувачка, каде што луѓето сè повеќе бираат квалитет над квантитет. Со ова се нормализира начинот на живот кој многумина веќе го практикуваат - всушност не го ни сметаат за посебен начин на живот туку за нормално.
@spookyaprilll I love this trend because when you buy smart you dont buy again 🫶 #underconsumption #deinfluencing #sustainablefashion #sustainability #trend #fy ♬ Time means nothing when it's all spent in the same place - Ispentsixhourswatchingshockvideosyesterday
Иако најверојатно нема долгорочно да се задржи на ТикТок, трендот не е лесно минлив и нема да биде „само уште еден“ на социјалните мрежи. Овде се работи за одраз на сè поголема свест кај младите за потребата за одржлив начин на живот и промислена потрошувачка. Целта му е да ги потсети луѓето на вистинската вредност на предметите што ги поседуваат и во тоа успева, па можеме на раат да се израдуваме дека е еден од најздравите и најрационалните трендови на ТикТок досега.
