Тоња Спангло, која е изгледа „главна“ на овој хаштаг и овој тренд, има зацртано дека треба да пие многу вода. Правела операција на желудник и ѝ препорачале да внесува вода за побрзо опоравување. Никаква научна фантастика.
Но, Спангло нема да дозволи да пие обична, досадна вода. Ќе додава вкусови, ароми, бои и чуда. А со оглед на популарноста на ова контраинтуитивно однесување, експертите се загрижени дека водата со вкусови, мириси и бои е просто - сок, и тоа не од здравите.
Хаштагот има околу 94 милиони прегледи и главно го држат весели, бели жени во удобна облека, со јужњачки американски акценти, кои покажуваат рецепти за вода со вкус. Има банана-сплит, пина-колада, шеќерен памук и најбизарно - роденденска торта. За следачите на трендот е хипнотизирачки да се гледаат коцки мраз во вода што кога ќе ја промешаш станува розева, но некои експерти се баш загрижени бидејќи многу од клиповите се на тема слабеење, и можат да бидат штетни за луѓе што се борат со нарушувања во исхраната.
„ВотерТок има еден елемент на опасност бидејќи е класично однесување при нарушувања“ коментира Џилијан Ламперт, шеф на стратегии во центар за справување со нарушувања во исхраната. „Во нивниот страв и анксиозност за јадење и тежина, се обидуваат да ги минимизираат калориите што ги внесуваат.“
Според неа, полнење на желудникот со течности и игнорирање на гладта е „долгорочно, олд-скул однесување при нарушувања во исхрана“.
Сепак, не секое од овие видеа е со намера да промовира слабеење. Главно луѓето се лепат на работи од типот „еднорог-вода“ или „сирена-вода“ - на Спангло овие рецепти ѝ имаат донесено милиони прегледи. И објаснува дека е против диети и прескокнување калории и инсистира дека на телото треба да му се дава тоа што му е потребно.
„А ова е само подобрување на водата.“
А не дека не е интересно за гледање. Видете ги сите тие вкусови и бои, па и резултатот на крај:
@takingmylifebackat42 BANANA SPLIT WATER🍌 #water #weightloss #goals #flavoredwater #drink #recipe #drinkwater #drinks #health #healthyliving #healthyrecipes #vsg #sugarfree #motivation #gastricsleeve #yummy #weightlosstips #weightlosstransformation #WATERTOK ♬ Forever - Labrinth
