Веројатно првиот впечаток што се добива е „А бе, ајде, 5000!”, ама да не забораваме: Тоа е Њујорк, и во Њујорк ако сакаш ептен да не си го оштетиш буџетот, можеш да спиеш на таван. Без заебанции, еден стварно спие на таван. А не е дека е нешто „неоштетен”.
Назад на станот и кралицата на самодовербата. Откако ќе нè искара да не се осмелиме да бидеме негативни кон себе, нè пушта внатре. Свесна е дека е прескапо, ама си има најдено логика дека ѝ вреди - а не е ни толку шуплива логиката - станот е нов, има две спални, две купатила и 360-поглед на градот, вратар и такви фини работи.
Живее со цимерка (со која што, патем, ја отече публиката), која плаќа нешто повеќе од половина, затоа што нејзиното купатило е споено со спалната.
Од интересни работи што не сме ги виделе, бидејќи нема поима од дизајн на ентериер, раскажува за фирма која - ја ангажираш, те спојува со дизајнер и дизајнерот ти кажува што да купиш. Фино и прикладно за луѓе што врска немаат.
Кујната е фантастична. Не, не сјајниот медијапан кој го оставаме во минатата деценија, туку отворениот простор и светлото. Да ти е ќеиф да готвиш внатре.
Најголема инвестиција е телевизорот и - огледалата. Затоа што, според Серена, многу е важно да имаш огледала во кои ќе можеш да си кажеш убави работи.