Се враќаат ’90-те и 2000-те на голема врата: прво „матурска“ коса, па француски маникир, за тангата што се гледа од фармерки ич да не почнуваме, ама, нели бе дебелите шатирани прамени беа ѓаволот, бе, фризери? Нели „ќути срамота, сокриј ја сликата“?
Како да го сфатиме сега ова?
Еве, Иванка Трамп се пофали, се пофали Џенифер Лопез, и полека цел Инстаграм се заразува, со еднаков залет како за сивото омбре.
Фризерот на славни Гај Тенг е огромен фан на старо-новиот тренд, а има и филозофија - прамените да се поблиску до лицето, за да го врамат, поточно да бидат на место каде што и онака сонцето би ги осветлило. Предлага само една или две нијанси посветло од твојата коса за сепак да биде модерно, а не заостанато.
За разлика од она што го имавме во 2000, кога се пеглаа за да стојат мирно, овие новиве сепак се заразени со денешната естетика - ги личи на секаква фризура, и особено ги препорачуваат за локни или бранови, со препорака да оставиш корен за да изгледа поприродно.
Уште топуците останаа невратени во мода, ама никогаш не е касно.
А вака може?
