Tрендовите се ретко само естетика. Почесто се одговор на нешто што се случува под површината на секојдневието - во економијата, во политиката, во интимниот живот на луѓето, во нивниот страв, замор или надеж. Историјата не се држи подалеку од плакар, туку напротив - живее и во него.
Во времиња на болест и несигурност, облеката добива нова сериозност - станува заштита, слој меѓу телото и светот. Во периоди на општествен притисок или нееднаквост, стилот знае да стане тивка форма на отпор, суптилен јазик со кој се кажува она што не може да се изговори гласно. Кога економските разлики стануваат видливи, модата почнува да зборува за припадност - понекогаш за моќ, понекогаш за желба да се биде виден, а понекогаш за обид да се избега од таа видливост.
Дури и прашањата за телото и сексуалната автономија поминуваат низ облеката. Таа станува простор на преговарање со себе, со погледот на другите, со нормите што се менуваат побавно од вкусот. А во моменти кога авторитетот станува тежок, речиси задушувачки, модата знае да реагира со нешто што личи на игра, но често е форма на отпор - претерување, деконструкција, одбивање да се вклопиш.
Денес трендовите почнуваат да носат нов вид замор - како да се појавува потреба за тишина, за бавно, за нешто што не бара постојано внимание. Дури и тоа се чита во облеката - во изборите што стануваат поедноставни, поинтровертни, поинтимни.
Во таа смисла, идејата дека модата е „само површинска“ станува тешко одржлива, затоа што модата никогаш не постоела сама за себе. Таа е секогаш во дијалог со светот околу неа - со неговите тензии, промени, невидливи пукнатини и со начинот на кој различни луѓе, различни заедници, се обидуваат да се позиционираат во сето тоа.
@trendsofthetimes Every trend tells a story. Fashion has always been a marker - of personal identity, of community, values. The trends of a given time are a mere reflection of the state of the world, societal values and standards, and how each subculture feels about it. Fashion is not random. Fashion is a mirror. Cultural values, societal expectations, the inner self, technological advancements, politics, are all factors that influence how we dress at a given time. Fashion is more than aesthetics and it always has been. Fashion is psychological. It’s deeply personal. It is cultural. And every trend is a single thread in the fabric that makes up our history - in the tapestry that tells our story from beginning to end as the human race . . #fashionhistory #fashionhistorian #historyoffashion ♬ Berghain - ROSALÍA & Björk & Yves Tumor
