Нивната врска почнала под необични услови. Го запознала во 1972 на снимањето на The Harrad Expeiment, кога имала само 14, а тој 22. Го играл партнерот на нејзината мајка Типи Хедрен, но зад камерите, почнал да се зближува со Грифит. Поврзаноста наскоро прераснала во врска и она што почнало како тинејџерска заљубеност, прераснало во однос што многумина го сметале за проблематичен, па и предаторски.
Мелани почнала да живее со Дон кога имала 15 години, иако мајка ѝ се бунела. Подоцна, во интервјуа се сеќава на тој период со исклучителна искреност. За време на ранлив и зрел разговор со Венити Фер во 2002, на пример, призна дека само мислела дека е вљубена:
„Ми изгледаше како да знам што правам, а немав поим. Ништо не знаев.“
Бракот во 1976 траел шест месеци. Воопшто не бил изграден на зрелост или емотивна спремност, туку на коктел од бунт, страст и глад за брзо растење. Нивната краткорочна заедница станала симбол на замаглените линии на Холивуд меѓу адолесцент и возрасна личност, а Мелани излегла од тинејџерските години без никаква мапа на стабилност, додека Дон, кој самиот се мачел по патот на славата и сопствените демони, не можел тоа да ѝ го обезбеди.
Години подоцна, Мелани Грифит повторно зборуваше за тој дел од животот на ТВ-интервју:
„Беше убаво на начин на кој првата љубов секогаш е. Но, беше и хаотично и ни јас ни тој не бевме опремени да се справиме со тоа. Беше комплетно предвремено.“
Овој цитат кој ја следи со децении често погрешно се толкува како да е незаинтересираност, а реално е исполнет со жалење, носталгија и препознавање на емотивната штета што останала долго откако биле потпишани документите за развод.
Она што поретко се знае е што за време на раните месеци од бракот, Дон и Мелани се обиделе да живеат тивко. Изнајмиле дом во Малибу, далеку од таблоидите и пробале да создадат нешто што барем личело на нормалност. Но, брзо се појавила напнатост - чувството на изгубена невиност кај Грифит заедно со пиењето на Џонсон предизвикувале тензична атмосфера. Таа се сеќава и дека седела на подот навечер, плачејќи и држејќи писмо што го напишала да себе, каде што се прашувала дали ваква е љубовта што ја посакувала.
Бракот се распаѓа не затоа што не се сакаат, туку затоа што не знаат да се сакаат на здрав начин. Нивната приказна станува приказна за плашење луѓе во Холивудските кругови, за брзање да се порасне без емотивни алатки. Грифит подоцна ќе открие дека со години се обидувала да ја сфати таа рана одлука.
„Бркав нешто што мислев дека ми треба, а ми требаше да се чувствувам безбедно. Дон прво ми го овозможи тоа, но потоа се сруши илузијата.“
Во неочекуван пресврт, во ‘80-те, повторно се поврзаа, повторно се венчаа и ја добија Дакота Џонсон. Сепак, и тоа не потраја, па се разделија во 1994, а Мелани која често отворено зборува за проблемите со зависност, ментално здравје и романтичните грешки, постојано го опишува првиот брак не како неуспех, туку како „рано поглавје напишано со потресена рака“.
„И двајцата бевме скршени на различни начини. Прерано се најдовме. Секогаш ќе го сакам, но бевме деца што се обидуваа да живеат како возрасни.“
Почнало како тинејџерски сон, а завршило како животна лекција научена на потешкиот начин и цврсто втисната во холивудската историја.
