Ако некогаш сте се возеле со језив таксист или ви се чинело дека некој ве следи, веројатно и знаете од каде им е идејата на децава.
ТикТок конечно доаѓа на помош, наместо да служи за морони, а се прави следното - се снимаш како една страна на разговорот, и кога ти е страв во нечие присуство, го пушташ тоа, божем разговараш со камера и на тој начин му даваш на знаење на тој што ти прави непријатно дека си во контакт со блиските и знаат точно каде се наоѓаш.
Во еден клип на пример, на една жена лажниот разговор ѝ се одвива вака: „Ти ја гледам локацијата и гледам дека влезе во кола. Требаше да си одиме уште пред 15 минути!“ Паметно е дури и „тој од другата страна“ да звучи револтирано, како да те чека или ти негодува, заради автентичност на повикот.
Постојат дури и интерактивни верзии, кои почнуваат со лажен рингтон и лажни звуци за пораки што ти кажуваат што да кажеш кога ти е тебе ред во лажниот разговор.
Добро е, мислевме дека отиде младината.
