Истражувањето на светската среќа се спроведува на годишно ниво од 2011-та. Сериозни научници развиваат технологии што им овозможуваат во различни земји на луѓето да им ја мерат објективната благосостојба и нивната субјективна оценка колку им е животот добар. Потоа ги споредуваат показателите и составуваат рејтинг по ниво на среќа на нивните граѓани.
Во 2017-та, листата изгледа вака (очекувано):
1. Норвешка
2. Данска
3. Исланд
4. Швајцарија
5. Македонија
хааааахахаха, мораше да се вметне и ваков ужасен виц, значи не,
5. Финска
6. Холандија
7. Канада
8. Нов Зеланд
9. Австралија
10 .Шведска
Истиов лидерски состав е и претходната година, само се изменети местата.
Она што ги обединува овие земји, освен што кај сите има висок животен стандард, големи социјални стандарди и скоро комунизам - во најдобра смисла на зборот, е едноставниот однос на нивните граѓани кон - облеката.
Земјите во кои секоја втора студентка изгледа како модна икона се во четвртата десетка на светскиот рејтинг на среќата.
Поразително или занимливо? Нели може човек да биде среќен, а притоа да носи шарени капути како дизајнирани од Миро?
Затоа што, тие што ги ловиме за улична мода се подолу. Франција е на 32-ро место, Шпанија на 37-мо, Италија, каде што секое дете од кој и да е пол од раѓање знае да се дотера, е на 50-то. А од 157 земји, во третина од нив, луѓето живеат подобро од Италијаните.
А во оние првите 10, од прилика ни е јасно дека: никој не ги витка ногавиците како што пишува во последното издание на Вог, луѓето носат удобна облека, не се секираат дали се во тренд, носат маици, патики, фармерки, дуксери и парки (ок, се разбира дека носат парки, кога на најсреќните според списокот во јули им е 10 степени, но добро).
Може значи, да се биде среќен во едноставна гардероба?
Ако си среќен, сигурен и спокоен, и тоа како е можно. Ако немаш потреба секојдневно на некого да му докажуваш нешто од петни жили, или да демонстрираш некаков (многу често имагинарен) статус, може.
Од друга страна, толку ли им е на едноставните незамисливо дека може да си среќен, спокоен и задоволен и ппус да те воодушевува мода?
Или уште сме кај концептот дека дотерувањето се прави за некој друг освен за себе?