Основан во 1976 година од четворица ентузијасти за компјутери, Тикетмастер првично имал скромна мисија - да го олесни процесот на продажба на билети за локални настани. Но сè се менува кога во 1982 година доаѓа Фред Розен, кој има поинаква визија: наместо само платформа за билети, Тикетмастер ќе стане господар на целиот екосистем на живите настапи.
Со ексклузивни договори со сали и арени, Розен создава затворен систем. Ако некој организатор сака да користи Тикетмастер, не смее да работи со конкуренција. Ова ја задави конкуренцијата и го претвори Тикетмастер во стандард, а уметниците и фановите во заложници.
Во 1990-тите, компанијата го проголтува својот најголем конкурент, Тикетрон, а потоа, во 1993, добива поддршка од ко-основачот на Мајкрософт, Пол Ален. Проблемот? За фановите и бендовите, цените пораснаа, а таксите се зголемија: такса за услуга, такса за објект, такса за поволности... И така до бескрај.
Почнаа и отпори. Во 1994, Перл Џем се обидоа да организираат турнеја без Тикетмастер и почувствуваа на своја кожа како е да им се спротиставиш. Салите престанаа да им одговараат, турнејата пропадна, а Министерството за правда на САД покрена истрага која заврши без ефект.
Во 2010, Тикетмастер се спои со најголемиот промотер во светот, Live Nation и сега ги контролираат уметниците, билетите, салите, па дури и брендираните производи. Министерството за правда одобрува, под услов Тикетмастер да не ги уценува салите што работат со конкуренција. Сепак, во 2019 се покажа дека го прекршиле тој договор - и наместо казна, договорот беше продолжен за уште 5 години.
Во меѓувреме, цените на билетите експлодираат. Во некои случаи, 75% од цената е само такса. Воведоа и „динамични цени“ - алгоритам што ги крева цените врз основа на побарувачката. Дури почнаа да ги препродаваат сопствените билети, во соработка со „resale“ партнери - по двојна цена.
Во 2022, билетите во претпродажба за Eras Tour на Тејлор Свифт го срушија сајтот на Тикетмастер. Илјадници фанови чекаа со часови - многумина безуспешно, затоа што ботови ги изкупија билетите, а цените од втора рака достигнаа илјадници долари. Овој скандал конечно доведе до јавна расправа: Конгресот на САД одржа сослушувања, и во 2024, 29 држави и Министерството за правда ги тужеше Лајв Нејшн и Тикетмастер за монополска злоупотреба.
Дури и некои од основачите на компанијата јавно се изјаснија дека се згрозени од тоа во што се претворила нивната идеја.
Еве детално објаснето од со право исфрустрирана жртва на системот:
@sorryibroughtitup Ticketmaster isn’t just the scum of the earth — they’re the mafia of live music. They control the tickets. The venues. The prices. And somehow, even Taylor Swift couldn’t bring them down. Here’s how Ticketmaster & Live Nation have been bleeding fans (and artists) dry for decades — and how they built one of the most hated empires in entertainment history. #ticketmaster #truecrime #corporatecrime #truecrimecommunity #swiftie #taylornation #taylorswifttok #truecrimetok #sorryibroughtitup #pearljam ♬ original sound - Mel Zee | Crime & Pop Culture
