Каналот Refinery29 има релативно нова серија битна за женски, со драматичен наслов каков што си бара новото време - Фундаментална. Родова правда. Без исклучоци.
Во Кенија, 50% од адолесцентната популација се женски.
Речиси сите истражувања покажуваат дека сексуалното образование го намалува ризикот од несакана бременост, ХИВ или други половопреносливи болести, како и сексуално насилство. А сепак, во Кенија (и насекаде низ светот, да не мислиме дека тоа им се случува „таму на некои други“), отпорот на заедницата, предрасудите, политичката опозиција и недостатокот на средства ги спречуваат младите луѓе во пристапот до информации за репродуктивно и сексуално здравје - пристап кој им е загарантирано право.
Како резултат на тоа, на годишно ниво повеќе од 390.000 девојчиња на возраст од 10 до 19 години забременуваат; според најновите истражувања - цели 29.000 од нив се под 14-годишна возраст.
Сфаќате што е тоа?
Тоа е дете.
Од 14, 13, 12, 11 и 10 години.
Во надеж дека сме далеку, нека стои ова како потсетник дека, можеби не сме до таму, ама она „отпорот на заедницата, предрасудите, политичката опозиција и недостатокот на средства…“? Е, до таму сме.
