Според фановите, страшниот филм „доведува до раб на солзи“ цело време, дејствието е во ‘90-те и следи сериски убиец и ФБИ агентка што се обидува да го фати и да го спречи во сатанистички ритуал.
И ова не било обична приказна за сериски убиец - луѓето што го гледале до сега тврдат дека „психолошки те оштетува“.
Баш и немаме нешто волја психолошки да се оштетуваме, ама тие што сакаат треба да го побараат Longlegs.
Режисерот е Оз Перкинс што зад себе го има Гретел и Хансел. Поважно е што за татко го има Ентони Перкинс.
Кој беше Ентони Перкинс?
Така.
Уредникот на Некст Бест Пикчр, Мет Неглиа пишува дека Longlegs е еден од најдобрите филмови за сериски убијци во поновата историја и дека прикажува „вознемирувачки пад кон пеколот што ќе ви ги опседне умот и душата.“
И уште викаат дека е најдобар хорор со сериски убиец од „Кога јагнињата ќе стивнат“ па наваму, што е сериозна изјава, и сега веќе треба да се гледа.
Трансформацијата на Кејџ не се гледа на трејлерот. „Ова ни е зад кулиси и кога ќе се соберат доволно луѓе, ќе ја повлечеме завесата,“ има изјавено Перкинс.
Вака вика Николас Кејџ:
„Чудовиштето е многу, многу опасна супстанца. Начинот на кој се движи, се открива, мора да се третира многу внимателно. Нема само киното да полуди, целиот град ќе полуди, цела земја, можеби и светот. Ќе ви ја промени реалноста. Вратите на перцепцијата ќе ви се отворат, животот нема да ви биде ист.“
Е, на толку муабет, само ако е глуп.
