Не е прв пат на Англичани да им збоктиса од денешниот свет полн погрешни вредности, па да се фатат за правење глупости. Два пати досега, Уба Батлер кешира популарност и восхит заради играњето со туѓата претенциозност - еднаш со ресторанот што не постоеше а победи на Трипадвајзор, втор пат со фармерките Џорџо Певиани.
Ова се некои други дечки, на кои им дошло преку глава од глупостите што ги гледаме секојдневно по колекции и модни писти. Кутри девојки облечени во дворско базенче, во шатор, во уште еден човек, во што и да ти падне на памет, а му текнало за изживување на каприциозен моден бренд.
И им текнува.
Ќе пратат цреп како нив, облечен најглупо што може, да се инфилтрира во највисоките модни кругови за време на Лондонската модна недела.
И им успева.
