Вести › Набрзинка

Откако во Хрватска му откажаа концерт на Бајага, Рамбо сам го откажа својот

18 јули 2025

„Со оглед на тоа што не се исполнети сите услови за настапот, го откажавме концертот на фестивалот во Солин. Се надеваме дека услови за свирка ќе бидат исполнети во иднина“, напиша Рамбо Амадеус на својот официјален профил.
Ваков потег доаѓа како солидарност со Бајага чиј настап во истиот град беше откажан затоа што неговото гостување ги вознемирувало здруженијата на хрватските бранители. Слични реакции во Хрватска предизвика и најавата за гостување на Брена.
"Ако ти не си подобен, ни јас не сум," му рекол Рамбо на Бајага.
"Во Хрватска постојат голем број долгогодишни традиции кои се многу тешки за искоренување, иако досега требаше да бидат далечно минато. Една од овие целосни бесмислици е необјаснивата желба да се бараат забрани за концерти на уметници што не ни се допаѓаат", пишува Хрвоје Марјановиќ.

извор

Зошто да бидете обични кога можете да бидете ултра моќни so Galaxy Z Fold7

18 јули 2025

извор

ЕУ усвои 18-ти пакет санкции за Русија

18 јули 2025

Европската Унија го усвои и својот 18-ти пакет санкции против Русија поради војната во Украина. Мерките се насочени против трговијата со нафта и енергетската индустрија. Граничната цена по која земјите од Г7 може да купуваат сурова нафта од Русија е спуштена на 47,6 долари за барел.
Шефицата за надворешни работи на ЕУ, Каја Калас, ги оцени санкциите како „најсилните досега“, иако ни претходните немале голем ефект. Москва и досега продаваше нафта над диктираната цена, бидејќи ЕУ нема начин самата да ги спроведува санкциите што ги наметнува.
Договорени се и мерки против флотата од 105 бродови што Москва ги користи за да ги заобиколи санкциите, против руски банки и против некои кинески што ѝ помагаат на Москва.
Словачкиот премиер Роберт Фицо со недели го блокираше усвојувањето на новиот пакет санкции. Својата поддршка ја услови со отстапки во посебниот план за фазно ослободување на ЕУ од зависноста од руските нафта и гас.

извор