Првата реакција е од нивна манекенка. И после тоа, го повлекоа дуксерот од продажба.
„Многу ни е жал за нервозата предизвикана од еден од производите во нашата есен-зима колекција за 2019-та,” вели во својот и-мејл директорот Марко Гобети. „Иако дизајнот е инспириран од морнарската тема што се провлекува низ колекцијата, беше бесчувствителен и направивме грешка.”
И креативниот директор, Рикардо Тиши се извини:
„Дизајнот е на морнарска тема, но сфаќам дека беше без осет. Немав намера никого да вознемирам. Ова не е одраз на моите вредности, ниту на Бурбери и го отстранивме од колекцијата.”
Се разбира дека не им простуваат веднаш. Манекенката Лиз Кенеди на Инстаграм објави:
„Самоубиството не е мода. Не е ни гламурозно, ни јако и бидејќи ревијата е посветена на млади кои го креваат гласот, еве ме. Рикардо Тиши и сите во Бурбери, не ми е јасно како можевте да дозволите на писта да излезе парче што личи на јамка околу врат.”
Го обвинува врвот на компанијата и нивното игнорирање на младите на кои е лесно да им влијаеш, додавајќи дека не треба ни да ја заборавиме ни ужасната историја на линчувањето. А кажува и дека се нервира од лични причини, бидејќи морала и самата да се справува со самоубиство во семејството.
Кога побарала да разговара со некого ѝ рекле да напише писмо и дека „на никого не му е гајле што ти се случува во приватниот живот, па задржи си го тоа за себе.”
Во изјавата, Гобети пишува дека ѝ се јавил на Кенеди да и се извини.
Пред некоја недела беше и џемперот на Гучи, минатата беше Авон.
Ич не им иде памет.