Од друга страна, ненормално е да се мисли дека целата таа индустрија почна завчера. Да, сега е насекаде, филери се ставаат како да се иде на забар, а потребните зафати (за подобрување на здравје) најчесто се доведени до совршенство.
Ама како било на почетокот на минатиот век? Па, не баш сјајно. Најстарата варијанта (што ни е позната, а којзнае што глупости се правеле пред почетокот на векот) е дека се шлапале со нешто од кое после со недели биле црвени... па дури потоа подмладени.
Една деценија подоцна се боцкале со парафин! И главно завршувало како во еден текст што го имавме со наслов „А мислевме дека подрум и медицина не одат заедно”!
Импланти на гради?
Да, со стаклени и дрвени топки.
После долга и макотрпна работа (и регулација, за да нема оперирање на памет) доаѓаме до состојбата денес.
Денес, кога филерите се како пломба, а пресадување на кожа околу очи не изгледа како пациентот да има маска за спиење.
