Вести › Набрзинка

Зоран Милановиќ за малку не победи одма

30 декември 2024

Милановиќ освои 49,09% од гласовите на претседателските избори. Му требаше еден глас повеќе од 50% за да победи уште во првиот круг.
Неговиот противкандидат од владејачката ХДЗ, Драган Приморац, освои прескромни 19, 35%. Трета е Марија Селак Распудиќ (9,25%) а четврта Ивана Кекин (8,89%).
Ваков успех во првиот круг досега имале само Фрањо Туѓман и Стипе Месиќ. Помалку од Приморац, ХДЗ има добиено само кога кандидат им беше Андрија Хебранг во 2009-та.
Успехот на Милановиќ се должи на широката перцепција дека тој е единствената релевантна институционална противтежа на ХДЗ која ги држи сите останати лостови на власта.

извор

Локалните избори се на 19 октомври

9 август 2025

Претседателот на Собранието, Африм Гаши ги распиша локалните избори во Македонија, на кои ќе се избираат градоначалници и членови на советите во сите 80 општини и во Градот Скопје.
Првиот круг е закажан за 19 октомври 2025 година, а вториот круг ќе се одржи на 2 ноември. Кампањата официјално ќе започне 20 дена пред првиот круг.
Според Изборниот законик, за градоначалник е избран кандидатот кој ќе добие мнозинство гласови, под услов да излезат најмалку една третина од запишаните избирачи. Доколку ниту еден кандидат не го исполни овој услов, ќе се одржи втор круг меѓу двајцата кандидати со најмногу гласови. Во првиот круг ќе се избираат и новите состави на општинските совети.
Нека победи оној кој помалку лаже.

извор

Ерменија и Азербејџан потпишаа мир

9 август 2025

Ерменија и Азербејџан потпишаа мировен договор, официјално завршувајќи го воениот конфликт што почна уште пред нивното раздружување од Советскиот Сојуз.
Ерменскиот премиер Никол Пашинјан и азербејџанскиот претседател Илхам Алиев го потпишаа документот на свеченост во Белата куќа, во присуство на главниот посредник во преговорите, Доналд Трамп.
„Долго време, 35 години, тие се бореа, а сега се пријатели и ќе останат пријатели долго време“, изјави Трамп. Тој најави дека САД ќе ги засилат билатералните економски врски со двете земји и ќе им помогнат целосно да ги нормализираат меѓусебните односи. САД ќе добијат ексклузивно право за развој на критичниот транзитен коридор низ јужниот Кавказ.
Конфликтот помеѓу Азербејџан и Ерменија почна во осумдесеттите години, кога Ерменците во азербејџанскиот регион Нагорно-Карабах прогласија независност. По чести пресметки и престрелки, Азербејџан во 2023 година во дводневна блиц-офанзива го зазеде Нагорно-Карабах, по што речиси сите стотина илјади Ерменци од регионот избегаа во Ерменија.
Двајцата лидери заеднички го номинираа Доналд Трамп за Нобелова награда за мир и најавија дека по него ќе го наречат транзитниот коридор - Трампова рута за меѓународен мир и просперитет (ТРИПП).

извор