Вести › Набрзинка

ЗНМ во одбрана на „независното новинарство“ финансирано од државна агенција

13 февруари 2025

Здружението на новинарите на Македонија (ЗНМ) и Самостојниот синдикат на новинари и медиумски работници (ССНМ) регистрирале тековна кампања за оцрнување на „независните и критички настроени медиуми“.
Таа кампања дополнително била засилена на социјалните мрежи.
На навлегувајќи во тоа дали оние кои земале пари од УСАИД работеле добро или лошо (има и вакви и такви) и што за УСАИД мисли претседателот на нашиот стратешки партнер, САД, ЗНМ треба да си расчисти како некое новинарство го прогласува за независно ако зависи од пари на (странска) државна агенција.

12 февруари 2025

Сенатот ја потврди поранешната демократска конгресменка, Тулси Габард од Хаваи како директор за национално разузнавање кој ги координира американските разузнавачки агенции.
Против неа беа сите Демократи и сенилниот Мич МекКонел (види: Не ве слушам, стар сум) од кај Републиканците.
Политичките противници ја сомничеа за симпатии кон руските позиции, за посетата на Башар ал Асад во 2017 година но најмногу им пречи нејзиното инсистирање свиркачот Едвард Соуден да не биде третиран како предавник туку како некој кој обелоденил мрачни начини на делување на државните органи.
И нема да ѝ заборават како ја раштрафи Камала Харис во еден дуел на претседателски кандидати.

12 февруари 2025

Телеком Србија соопшти дека ги купува NetTV Плус, DTH во Србија и Македонија и лиценците за права на Спорт клуб за западен Балкан.
Правата, лиценците и другиот имот поврзан со Спорт клуб каналите за Србија, Македонија, Црна Гора и Босна се купуваат од групацијата ЈУнајтед за 652 милиони евра.
Оваа аквизиција е дел од плановите на Телеком Србија да стане водечка телеком компанија на Западен Балкан која до 2030 година би имала приходи до три милијарди евра годишно.