Вести › Набрзинка

Зеленски побарал половина век безбедносни гаранции од САД

29 декември 2025

Володимир Зеленски побарал од Доналд Трамп да ѝ даде на Украина безбедносни гаранции во траење од половина век за да запре војната со Русија. Трамп не прифатил промени во нацрт-мировниот план, во кој се предвидени 15-годишни безбедносни гаранции од САД за Украина.
„Му кажав дека војната веќе трае речиси 15 години... Му реков дека би сакале да ја разгледаме можноста за 30, 40, 50 години“, изјави Зеленски по средбата со Трамп во Флорида.
Прашањето за типот на гаранциите сè уште не е затворено. Киев бара да бидат цврсти исто како од основачката повелба на НАТО, што би значело колективен воен одговор на каков било руски напад врз Украина, но нема сигнали дека тоа било прифатено од САД.
Трамп истакна дека прашањето за безбедносните гаранции е „95% решено“ и додаде дека европските земји ќе имаат важна улога во обезбедувањето мир.
Шефот на руската дипломатија Сергеј Лавров возврати дека Европа се спрема за војна со Русија и предупреди дека Москва ќе ги смета за „легитимни цели“ евентуалните европски контингенти во Украина.

извор

Дома кај судија на Апелациониот суд најдени 350.000 евра скриени во ѕид

18 јануари 2026

Во рамки на обемна истрага на Основното јавно обвинителство за гонење организиран криминал и корупција (ОЈО ГОКК) денеска во домот на родителите на судија од Апелацискиот суд Скопје, во Неготино, при претрес се пронајдени 350 000 евра кои биле соѕидани во простор во ѕидот.
Неофицијално, станува збор за судијата Ѓоко Ристов, а предметот се поврзува со минатомесечното апсење на адвокатот и поранешен државен правобранител Фехми Стафа.
Осомничениот Стафа примил вкупно 50.000 евра за да посредува и да влијае кај судија во Апелацискиот суд Скопје во врска со предмет што се водел против негов клиент, односно лице што го застапувал како адвокат.
Лицето за кое поранешниот државен правобранител требало да издејствува укинување на мерка притвор е осомничениот во случајот „Синџир“, Љупчо Пецов, познат по прекарот Ѓаволот.

извор

За седиште за Газа Трамп бара една милијарда долари

18 јануари 2026

Администрацијата на Трамп им порача на земјите што сакаат постојано место во новиот Одбор за мир во Газа дека мора да придонесат „најмалку една милијарда долари“.
Одборот ќе биде одговорен за обновата на Појасот Газа и разоружување на Хамас, а покана за влез во него добиле лидери од 60 држави.
Секоја земја-членка во Одборот ќе има мандат не подолг од три години но претседателот може да им го продолжи.
Тригодишниот мандат ќе биде укинат ако во првата година не се испрсат со милијарда долари, во кеш.
Во моментов се знае дека покана добиле Таип Ердоган, канадскиот премиер Марк Карни, египетскиот претседател Ел-Сиси, Милеи од Аргентина...

извор