- „Не ни требаат никакви алтернативи за членство во ЕУ“, изјави украинскиот претседател коментирајќи го предлогот на францускиот претседател за создавање „европска политичка заедница“ за оние кои сакаат во ЕУ ама уште не се спремни за тоа.
- „Тоа ќе биде уште еден компромис меѓу Европа и Русија“, рекол Зеленски и порачал дека за тоа прашање нема преговарање.
- Зеленски вели и дека Украина ѝ ја скршила кичмата на руската војска.
- Четири лица се уапсени поради проектирање фотографии на Доналд Трамп со педофилот Џефри Епстин врз кралскиот замок Виндзор, пред синоќа таму да пристигне американскиот претседател.
- Снимките на Трамп, британскиот принц Едвард, на Епстин и на малолетни жртви на неговиот синџир за проституција биле проектирани врз кула на замокот пред да пристигне Трамп. Било истакнато и големо платно со фотографија на Трамп и Епстин заедно. Пред замокот демонстрирале 70-ина луѓе.
- Американскиот претседател придружуван од првата дама Меланија денеска во замокот официјално ќе бидат пречекани од кралот Чарлс и кралицата Камила. Во чест на Трамп ќе маршираат 1.300 британски гардисти, а 120 коњаници ќе ја придружуваат кочијата со која американскиот претседател ќе го обиколи кралскиот имот.
- Трамп утре ќе се сретне со премиерот Кир Стармер во неовата резиденција Чекерс. Се очекува во рамките на посетата да бидат потпишани договори за американски инвестиции од најмалку 42 милијарди долари во проекти за нуклеарна енергија, квантни компјутери и вештачка интелигенција.
- Романскиот претседателски кандидат Калин Георгеску, кој победи во првата рунда од изборите во ноември пред да бидат поништени, е обвинет за планирање насилен државен удар.
- Обвинителите го поврзуваат Георгеску со насилна група од дваесетина вооружени лица што биле пресретнати на пат кон Букурешт во декември минатата година. Георгеску се сретнал со лидерот на групата, Хорациу Потра, и разговарал за „планови да предизвикаат судири и насилни субверзивни дејства, за да ја загрозат националната безбедност и уставниот поредок“.
- „Поранешниот претседателски кандидат имал цел да ја искористи максимална социјална тензија за да генерира дополнителни немири и да го промени уставниот поредок или да го отежни или спречи вршењето на државната власт“, тврдат обвинителите.
- Претседателските избори во Романија во декември беа целосно поништени поради обвинување за нелегално мешање на Русија во кампањата на Георгеску. На повторените избори на пролет му беше забрането да се кандидира.
