Вести › Набрзинка

Затоа што се намножија измамници, малку официјални информации за помош

20 март 2025

За донации се подржува бројот на Црвениот крст - повеќе информации имате овде.
Директорот на СОЗР, Ивица Томовски, го понуди и бројот на неговиот службен телефон (070 270 370) за информации поврзани со транспорт и сместување на лица во странство.
Владата има префрлено 30 милиони денари на Службата за општи и заеднички работи за транспорт и првично сместување на оние засегнати од трагедијата во Кочани кои заминале во странство.
Досега со сместување и авионски карти се обезбедени 142 лица а и понатамошните трошоци ќе бидат подмирени. Некои држави (како Бугарија, на пример), обезбедиле комплетно сместување за оние кои се кај нив.
За еден повреден се покриваат по две лица за придружба, но се излегува во пресрет и она оние кои се повеќе.
Македонските допломатско-конзуларни оретставништва се на располагање а за итни прашања, Муцунски ги даде следниве дежурни броеви: 075/273-732 и 075/268-736.

п.с. Видете и ова

извор

Десет пациенти од Кочани денеска ќе бидат пуштени од болница

21 март 2025

Десет пациенти што беа хоспитализирани во земјава денеска ќе бидат испишани од болница - еден пациент од Штип, еден од Детска хирургија, тројца од ЈЗУ Универзитетска клиника за торакална и васкуларна хирургија Скопје и пет од приватните болници „Аџибадем Систина“ и „Жан Митрев“, изјави министерот за здравство, Арбен Таравари.
Од вкупно 162 лица што сè уште се лекуваат од последиците на пожарот, 47 се во домашните болници: 25 пациенти во Клиничкиот центар „Мајка Тереза“, 12 во ГОБ „8 Септември“, 11 во Градската општа болница и 1 пациент во Штип.
Во странство се лекуваат 115 пациенти. Во Србија има 30 пациенти, од кои двајца се екстубирани. Во Бугарија има 15 пациенти, од кои тројца се екстубирани и сите се во стабилна состојба. Во Грција има 12 пациенти, од кои двајца се во критична состојба. Во Турција има вкупно се 12 пациенти – по шест во Анкара и во Истанбул. Министерот истакна дека еден пациент во Турција е во многу сериозна состојба, а другите се во сериозна состојба, но стабилни. Во Шпанија се 7 пациенти, во Австрија 5, во Унгарија има 6 пациенти, во Хрватска има 5. Од четворица пациенти во Словенија тројца се во посериозна состојба. Во Литванија има четворица, од кои еден е екстубиран, а во Белгија има четворица стабилни пациенти. Четворицата во Италија се во многу добра состојба, а во Шведска има 4 пациенти, од кои двајца се сосема стабилни. Во Полска има двајца пациенти, еден од нив е интубиран, посочи Таравари.
Министерот потенцираше дека повеќе не се праќаат пациенти надвор од земјата бидејќи сите што останаа тука се стабилни.
Во однос на трошоците за лекувањето во странство, Таравари јасно рече дека лекувањето е бесплатно.

извор

Германија ги преполови работните дозволи за Македонија

21 март 2025

Од досегашните 50.000 дозволени работници, Германија одлучи да го намали бројот на годишни влезни дозволи на 25.000 за граѓаните од Македонија и од останатите балкански земји.
Според агенциите за посредување при вработување, моменталната побарувачка за работна сила во Германија е значително намалена, а многу сектори, вклучително и градежништвото, веќе не вработуваат во истиот обем како претходно.
Покрај тоа, значителен број Украинци кои поради војната се преселија во Германија добија право на престој и работа, што дополнително влијаеше на вработувањата на работници од Балканот.

извор