- Осудениот во „Рекет“ Зоран Милески – Кичевскиот кој на 4 септември со својот мерцедес на полна линија излeгол од својата лента на Гостивар – Кичево за претекнувајќи да удри директно во автомобил што возел отспротива, при што загина еден патник од тоа возило, доби затворска казна од само 6 месеци.
- Обвинетиот ја признал вината, побарал со спогодба условна казна, добил затворска од 6 месеци за претекнувањето на полна линија во кое покрај загинатото 32-годишно лице, имаше и седуммина повредени.
- Сообраќајката се случи кај превојот Стража, во период кога Милески имал привремен прекина на казната за да се лекува. Како тоа болен го управувал автомобилот низ патиштата низ Македонија, судско-затворските власти не ги интересираше.
- Израел обезбедил 8,7 милијарди долари воена помош од САД, се пофали изралеското министерство за одбрана. 3,5 милијарди за основни воени нарачки а 5,2 милијарди за системот за воздушна одбрана.
- За да не си оди Зеленски дома со празни раце, Бајден соопшти декаобезбедил нови осум милијарди долари за Украина.
- Помошта вклучува и Joint Standoff Weapon, прецизно наведувана ракета која има домет од 130 километри.
- Македонските граѓани се пред услов за уште една уставна измена, но не за членство, туку за почеток на преговорите, и тоа по втор пат.
- „Како држава посветена на добрососедството, очеквуаме разбирање од нашите соседи без закана за вето, затоа што каде што има вето, нема правда. Тоа ги демотивира македонските граѓани и ги забавува реформите“, рече македонската претседателка во својот говор на Генералното собрание на Обединетите нации.
- „Проширувањето мора да се врза за копенхагенски критериуми“, рече Сиљановска-Давкова. „Мора да се поддржиме едни со други, наместо да блокираме. Пред голем предизвик сме, како правното да стане праведно. Нема едноставни, безболни решенија“.