Вести › Набрзинка

За Агелер, милијарди евра тежок договор кој никој не го видел е „транспарентност“

19 мај 2023

Американската амбасадорка во Македонија, Анџела П. Агелер е уверена дека процесот во кој е инволвиран „Бехтел“ е целосно транспарентен и законски.
Разочарувачки е тоа што опозицијата го критикува проектот „без да располага со сите факти и информации“, вели таа.
Мадам, игзектли тоа е проблемот: што јавноста не располага со фактите и информациите за проектот со кој дебело се задолжува.
Дипломатскиот колега на Агелер, некогашниот амбасадор на САД во Косово, Кристофер Дел, истоветно јавно навиваше и го буткаше проектот на Бехтел за тамошниот автопат (Види: Како Косово доби скап автопат кој не му треба?). Тој набрзо се пензионира и станува специјален претставник на Бехтел во Мозамбик.

извор

Пекинг отвора врата за преговори за тарифите со САД

2 мај 2025

Пекинг објави дека разгледува понуда од Вашингтон за разговори за надминување на трговската војна со САД, откако администрацијата на Доналд Трамп воведе тарифи од 145% за увоз на кинески производи.
Како услов за разговорите, Министерството за трговија на Кина побара од САД да ги укинат тарифите и да имаат „искрен пристап“.
„САД неодамна презедоа иницијатива и повеќе пати преку релевантни канали порачаа дека се надеваат на разговори со Кина. Обидите да се искористат разговорите како повод за притисок и изнудување нема да успеат“, соопшти Министерството.
Првата реакција на Пекинг на тарифите од САД беше воведување контратарифи, кои достигнаа 125%. Подоцна тивко беше направена листа од производи што нема да бидат опфатени со царините - одредени лекови, микрочипови и млазни мотори.
И Вашингтон изрази спремност за надминување на трговската војна „Убеден сум дека Кинезите ќе сакаат да постигнат договор. Ова ќе биде процес во повеќе чекори. Прво треба да ја смириме тензијата, а потоа да се фокусираме на поголем трговски договор“, изјави американскиот секретар за финансии Скот Бесент.

извор

Советникот Мајк Волц заминува од Белата куќа

1 мај 2025

Мајк Волц ја напушти позицијата советник за национална безбедност на американскиот претседател Доналд Трамп, јавија Ројтерс и ЦБС.
Волц е првиот висок функционер што ја напушта администрацијата во вториот мандат на Трамп. Заминува и неговиот заменик Алекс Вонг.
Волц беше под притисок откако случајно додаде новинар во тесниот круг функционери и офицери дискутирале планови за воен удар врз Јемен.
Трамп се обиде да ја смири вревата за скандалот, истакнувајќи дека на Сигнал не биле споделени доверливи материјали.
Како можни наследници на позицијата на Волц се спомнуваат Стив Виткоф, кој е специјален пратеник за Блискиот Исток и преговарач за крај на војната во Украина, како и Рик Гренел, поранешен амбасадор во Германија а потоа директор за национално разузнавање.

извор