Вести › Набрзинка

Војната во Иран ги поскапе и кондомите

22 април 2026

Најголемиот светски производител на кондоми најави поскапување на кондомите за 20% до 30%, бидејќи војната во Иран ги зголемила трошоците на суровините.
„Карекс“ предупреди дека кондомите од брендовите Дурекс и Тројан може да поскапат уште повеќе ако продолжи блокадата на Ормускиот проток.
Повеќето кондоми се направени од латекс – кој се произведува од петрохемикалии што се добиваат преку синџирите на снабдување од Блискоит Исток.
Цената на вештачката гума се зголеми за 8,5% во изминатиот месец. Поскапени се и алуминиумот и силиконското масло, кои се користат за пакувањата и лубрикантите.
„Карекс“ кој продава 5 милијарди кондоми годишно, објави дека има доволно залихи за да ја задоволи побарувачката во следните неколку месеци.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор

Иран очекува 20 милиони луѓе на погребот на ајатолахот Али Хамнеи

3 јули 2026

Иранските власти очекуваат близу 20 милиони луѓе на државниот погреб на ајатолахот Али Хамнеи и на шестдневните церемонии на национална жалост. Хамнеи беше убиен во ракетен напад на 28 февруари – на првиот ден од војната со САД и Израел.
Церемонијата почнува утре во Техеран и Ком, а погребот е закажан за в четврток на 9 јули во Машхад – родното место на Хамнеи. Претседателот Масуд Пезешкијан ги повика сите Иранци да го испратат ајатолахот.
Мерките за безбедност се засилени мерки поради екстремните горештини, со температури до 40 Целзиусови степени, како и поради очекувањата за првото појавување во јавноста на Моџтаба Хамнеи откако беше избран за ајатолах. Моџтаба беше тешко ранет при нападот во кој загина неговиот татко.
Присуството на погребните церемонии го потврдија претседателите на Грузија и Таџикистан и премиерите на Ерменија и Пакистан. Државни делегации испратија Турција, Кина, Русија, Индија, Бангладеш и Авганистан.
Според ирански државни медиуми, свои претставници на комеморациите испратиле и антихегемонистички движења од Италија, Холандија, Британија, Данска и Австрија.

извор