Вести › Набрзинка

Во османлиско време наставниците земале повисока плата отколку денес

22 мај 2022

Според најновите податоци и последните зголемувања, наставниците во основно образование земаат плата од 24.786 денари плус минат труд, а наставниците во средно образование 25.642 денари плус минат труд.
Во Битолската српска машка гимназија во учебната 1898/99 година просечната месечна пондерирана плата на наставниците изнесувала во сегашна вредност 52.747 денари.
Кузман Шапкарев во учебната 1882/83 година со осум часа настава во Солунската машка гимназија примал просечна месечна плата од 111.607 денари. Додека, пак, револуционерот Трајко Китанчев во истата гимназија истата учебна година со 18 часа примал просечна месечна плата од 128.248 денари.
Во 1900 година еден кг грав се продавал по просечна цена од 50 денари, а во март 2022 година просечната цена на гравот за еден кг била 135 денари. Тоа е пораст за 170 отсто во однос на 1900 година. Просечната цена на еден килограм говедско месо во 1900 година било 187 денари, а еден кг јагнешко месо се продавало по цена од 224 денари. Денес, поточно во март 2022 година просечната цена на повеќе различни видови месо изнесувала речиси 370 денари.

извор

За шест месеци намалена казната за прегазување пешак

11 март 2026

Во 202 година, Гордана Филиповиќ, со автомобил на пешачки премин и возење со поголема брзина од дозволената го усмрти 76-годишниот Слободан Ангеловски кај мостот „Гоце Делчев“.
Првично беше осудена на три години. Предметот се судеше по вторпат откако Апелацискиот суд ја укина претходната пресуда. Сега ѝ ја намалиле казната на две ипол години.
„Максимално сум разочаран од судството во Македонија. Две години и шест месеци за обвинетата која направила сериозни прекршоци – брзо возење и незастанување на пешачки. Судството не е на два процента, туку е на минус 20 проценти. Ова е шокантна и некоректна пресуда“, изјави Столе Ангеловски, син на прегазениот

извор

Требаше ли нашите од Дубаи да се евакуираат бесплатно?

11 март 2026

Враќањето на своите државјани од военото подрачје околу Иран со јавни пари го финансираа држави како Македонија, Босна, Србија, Хрватска и Словенија, за разлика од далеку побогатите и социјално сензитивни нордиски земји.
Хрватските даночни обврзници ги чинело 850.000 евра за репатријација на 845 хрватски државјани кои американско-израелскиот напад врз Иран ги затекнал во блискоисточните земји.
Словенечката влада издвоила 1,5 милиони евра, онаа на Босна и Херцеговина околу 400.000 евра.
Скандинавски ладен беше одговорот на шведската министерка за надворешни работи, Марија Малмер Стенергард, на прашањето дали шведската војска со своите авиони треба да помогне во евакуацијата:
„Моментално не сме во ситуација да ги користиме ресурсите на вооружените сили. Воениот буџет и парите што ги издвоија вредните Швеѓани секогаш треба да се чуваат.“
Седиште во авионот во кој Шведска превезуваше свои државјани од Дубаи до Стокхолм чинело 1.100 евра за возрасни и 850 евра за деца. Со моментално плаќање на сметката на министерството за надворешни работи. Во спротивно, се губи резервацијата.

извор