- Во гаража во Москва специјална единица на руската гарда го уапси Алексеј Слободенјук, првиот човек за социјални мрежи и пропагандист на Вагнер и нивниот сопственик Евгениј Пригожин. Стандардно апсењето би требало да го изведе ФСБ.
- Слободенјук раководи со дузина Телеграм канали, со стотици илјади членови, во име на Пригожин и платеничката војска на Вагнер.
- Претходно на каналите на Слободенјук периодов беа реобјавувани пораки за смена / убиство на Шојгу.
- На истите канали беше објавено видеото од бунтот на регрутираните Руси во Белгород и прегледано стотици илјади пати.
- Уште кога прв пат се појави видеото од Белгород сомнежот беше дека тоа е протечено од самиот Пригожин како дел од неговата отворена војна со министерството за одбрана и лично министерот Шојгу. Ова делумно објаснува и зошто апсењето го врши гардата, која е под министерството за одбрана, а не ФСБ.
- Претседателот Доналд Трамп го потпиша законот со кој заврши 43-дневната блокада на федералната влада – најдолга во историјата на САД.
- Поради шестнеделната блокада на средствата федералните службеници не зедоа плата за октомври, илјадници авионски летови беа откажани и многу социјални случаи останаа без помош. Не беа објавувани клучни економски податоци за инфлацијата, вработеноста и потрошувачката. Извештаите за октомври можеби никогаш нема да бидат објавени.
- Законот е само привремено решение за политичкиот судир на демократите и републиканците и ќе обезбеди финансирање до 30 јануари. Републиканците ветија дека до средината на декември ќе одржат гласање за продолжување на субвенциите за здравствена заштита, но не дадоа гаранции дека ќе ги поддржат.
- Економската штета од блокадата е проценета на 0,1% од БДП неделно. Политичката битка заврши без победник. Нова анкета на Ројтер/Ипсос покажува дека 50% од Американците ги обвинуваат републиканците за блокадата, а 47% демократите.
- Џефри Епстин во имејл во 2011 година запишал дека Доналд Трамп поминал неколку часа со жртва на неговиот синџир за проституција во неговиот дом, тврдат демократски конгресмени од Комитетот за надзор на Претставничкиот дом. Овој мејл, според демократските конгресмени, Епстин го испратил до својата партнерка Гислејн Максвел.
- Во друг мејл, испратен до новинарот Мајкл Волф, Епстин напишал за Трамп: „Секако дека знаеше за девојките, бидејќи бараше од Гислејн да запре“.
- Трамп признава дека се познавал со Епстин, но категорично ги отфрла тврдењата дека знаел за неговиот синџир за проституција и подведувањето малолетнички.
- Епстин беше пронајден обесен во својата затворска ќелија во 2019 година, како жртва на наводно самоубиство, а Максвел отслужува казна од 20 години затвор бидејќи му помагала на Епстин во злоупотреба на малолетнички.
