Вести › Набрзинка

Во Белград паѓа пазарот на недвижнини

16 декември 2023

„Ние годинава сигурно имаме пад на продажба на станови од 30% иако официјалната статистика наведува 15,6%. Оние што купуваат на кредит речиси да исчезнаа“, вели искусна агентка за недвижнини од Белград.
Падот продолжува и се зголемува од квартал до квартал а за ценовните збрки придонесуваат и агенциите кои прифаќаат нереални цени (и пониски и повисоки од реалните) затоа што заработуваат од трансакциите.
Цените сè уште се држат иако кај старата градба веќе се направени корекции надолу. Сите бараат во центар, трособен стан, ако може со гаража.

16 мај 2025

Првите директни мировни преговори помеѓу Русија и Украина по три години завршија без каков било успех.
Без присуство на лидерите Владимир Путин и Володимир Зеленски, делегациите од трет ранг разговараа едвај два часа во Истанбул.
Украински извори изјавиле дека руските барања биле „далеку од реалноста и од сè друго за што се дискутирало досега“.
Киев ја обвинува Москва дека „не е сериозна во ставовите дека сака мир“, а Русија одговара дека Украина инсистира на преговори за да може да ги одмори силите, да мобилизира уште трупи и да добие повеќе оружје од западните сојузници.

16 мај 2025

Сите членки на НАТО на самитот во јуни ќе се согласат да издвојуваат по 5% од својот БДП за одбрана во текот на идната деценија, изјави американскиот државен секретар Марко Рубио.
На самитот по шест недели речиси секоја членка на НАТО веќе ќе издвојува по најмалку 2%, но уште поважно, многу од нив ќе бидат над 4% и ќе се согласат на целта да достигнеме 5% во идната деценија, изјави Рубио за Фокс њуз.
Генералниот секретар на НАТО Марк Руте предложи членките до 2032 година да ги зголемат директните трошоци за одбрана на 3,5% од БДП и уште 1,5% за други трошоци поврзани со безбедноста.
Германија и Франција веднаш го поддржаа тој предлог.