- Стејт департментот ќе бара од апликанти да уплатат кауција до 15.000 долари за да добијат виза за туристичка или деловна посета на САД. Целта е да се спречи да останат во Америка подолго отколку што им е дозволено со визата.
- Пилот-програмата ќе се спроведува од 20 август ќе опфати земји чии државјани најчесто се задржуваат во САД. Нема да бидат опфатени земји за кои се даваат визи за престој до 90 дена.
- Предложени се три тарифи - од 5.000, од 10.000 и од 15.000, во зависност од природата на посетата. Апликантите ќе мора да ја платат кауцијата за да добијат виза. Парите ќе може да ги добијат назад ако на време излезат од САД.
- Стејт департментот најави и нова мерка - лично интервју со апликанти што сакаат да ја обноват визата за престој во САД.
- НАСА сака да ги претрка Русија и Кина и да изгради нуклеарен реактор на Месечината до крајот на оваа деценија.
- „Мораме да дејствуваме брзо за да ја развиеме оваа критична технологија за поддршка на идната лунарна економија, за обезбедување извор на енергија на Марс и да ја засилиме нашата национална безбедност во вселената“, напишал во директивата шефот на НАСА, Шон Дафи.
- За 30 дена ќе биде објавен лидер на мисијата, а за 60 дена ќе биде испратен повик до компании да конкурираат за проектот за изградба на генератор што би генерирал најмалку 100 киловати струја. Лансирање е планирано до крајот на 2029 година.
- Процесот ќе биде забрзан со цел САД да ја завршат мисијата први. Кина и Русија во мај објавија партнерски проект за изградба на нуклеарен реактор на Месечината до средината на идната деценија.
- „Ако тие го сторат тоа пред нас, може да прогласат забранета зона и да ограничат што ние можеме да направиме таму“, додава Дафи.
- Главната обвинителка Пам Бонди побара од федералните обвинители да почнат истрага за сомневањата дека поранешниот претседател Барак Обама фабрикувал разузнавачки докази за руско мешање во предизборната кампања на Доналд Трамп во 2016 година.
- Сè уште не е објавено кога ќе се состане „големата порота“ за да ја спроведе истрагата. Се очекува процесот да почне по неколку месеци. Обама не е директно обвинет.
- Директорката на националното разузнавање Тулси Габард во јули објави дека Обама и највисоки функционери од неговата администрација спроведувале „предавнички заговор“ против Трамп, кој на изборите во 2016 година ја победи тогашната противкандидатка Хилари Клинтон. Габард тврдеше дека Обама го злоупотребил разузнавачкиот апарат за политички цели.
- Пред Обама да ја напушти функцијата, разузнавачката заедница на САД во јануари 2018 година објави извештај во кој беше заклучено дека Русија преку ширење лажни вести на социјални медиуми, хакирања и ангажирање ботови настојувала да ја оцрни Хилари Клинтон и да му помогне на Трамп. Ревизијата на извештајот покажа дека тоа не било точно. Не беа пронајдени никакви докази дека Русија се мешала во изборите.
