Вести › Набрзинка

Велибор Манев призна вина за убиството на Вања, татко ѝ е еден од осомничените

4 декември 2023

Велибор Манев, едно од трите лица уапсени за убиството на 14-годишното девојче, Вања Ѓорчевска, признало вина, дознава „Скопје1“ од извори во истрагата.
Станува збор за лице кое се дружело со Љупчо Палески-Палчо, а кое дало информации за планирањето и извршувањето на киднапирањето, а потоа и убиството.
Обвинителството потврди дека на распит е таткото на убиената Вања, Александар, Тој е второто лице кое ја пријави за исчезната.
Во јавноста се појавија информации дека го договарал грозоморното сценарио со Љупчо Палевски- Палчо, кој е во бегство.

извор

Шефот на агенцијата за нуклеарна контрола: Иран НЕ развива атомска бомба

18 јуни 2025

Првиот човек на Меѓународната агенција за атомска енергија го демантираше Израел и нивното алиби за напад на Иран, дека Техеран е блиску до развој на нуклеарно оружје.
Рафаел Гроси, генерален директор на IAEA не верува дека Иран се обидува да развие нуклеарно оружје.
„Дојдовме до заклучок дека не можеме да потврдиме постоење на систематски напори за развој на нуклеарно оружје.“
Тој појасни дека во последниот извештај на Агенцијата кој деновиве масовно се цитира, тие изразиле загриженост што Иран збогатил ураниум до 60% но немаат наведено дека атомската бомба е на пат да стане реалност.
Најголема опасност од иранскиот ураниум е ризикот од радијација ако нуклеарен објект биде погоден.

извор

Државата ќе треба да им исплати 85.000 евра на адвокатите на Мијалков

18 јуни 2025

Случајот ,,Таргет” на СЈО, за масовното прислушување во УБК, апсолутно застаре пред речиси две години а сметките за наплата на адвокатските трошоци ќе се наплатат од државата.
Предметот застаре поради скандалозните измени на Кривичниот законик. Ова значи дека никогаш нема да има кривично правна разрешница и одговорност за незаконското прислушување, но адвокатските трошоци некој треба да ги плати.
Државата во иднина ќе треба да ги обесштети и жртвите од прислушувањето. Доколку обвинетите беа прогласени за виновни, тогаш штетите ќе требаше да се наплатат од нивниот џеб; вака, за сè ќе плати државата.
Судијата Енвер Беџети предметот го чуваше девет месеци во фиока пред Апелација да одлучи дека ја укинува првостепената пресуда и случајот го враќа на повторно судење. Кога предметот се врати во Кривичниот суд, судењето почна од почеток, но по неколку месеци беше констатирана застареност, поради законските измени кои беа донесени во меѓувреме.

извор