- Не е тешко да напишеш „попис“ на сите несреќи, да направиш црно салдо на маките што ги минува овој народ. Најголема доблест, храброст и умешност е да кажеш дека нам ни треба вртење НОВ лист!
- Изборите се само непосредниот лек, или можеби со речникот на медицината – тие се дел на палијативната нега на „пациентот“/општеството и оние што го сочинуваат: палијативната нега им помага на лица со неизлечива болест да го имаат најдобриот можен квалитет на живот, им ги намалува болките и им го зачувува дигнитетот додека полека заминуваат од овој свет.
- Прашајте се: имаме ли што да изгубиме ако тргнеме во борба за подобро утре, ама и за поинаква Македонија во поинаков свет? Можеме да ги изгубиме само прангите во кои сме оковани! Обидете се да смените нешто, макар и во вашата работна средина и веднаш ќе ги слушнете.
- По речиси еден месец тактизирање, Таравари го најави излегувањето од Владата со проценка дека подобро е да има пет градоначалници отколку двајца министри.
- Мицкоски веќе им посака среќа во опозиција, иако, како што рече, не ги разбира зошто од власт одат во прегратките на ДУИ на Али Ахмети.
- Главната битка на „одметнатата Алијанса“ е како да ги задржи петте пратеници. Токму нивното единство од една страна ќе значи дека АА ќе има пратеничка група, а од друга дека Вреди, односно власта, со само девет пратеници од заедниците ќе нема Бадентерово мнозинство.
- Германија и постави ултимативно барање на Русија до крајот на денот да се изјасни за понудата за 30-дневно примирје за да избегне нови санкции од Европа.
- „Часовникот отчукува. До крајот на денот остануваат 12 часа. Ако Москва не го прифати барањето (за примирје) ќе бидат покренати подготовки за нови санкции“, изјави претставникот на германската влада Штефан Корнелиус.
- „Јазикот на ултиматуми е неприфатлив за Русија, не можете да разговарате со Русија на таков јазик“, врати портпаролот Димитри Песков.
- Русија и досега не се возбудуваше многу од санкциите што ѝ ги наметнуваше Европа поради воената интервенција во Украина.
- Европските лидери во саботата од Киев побараа безусловно 30-дневнo примирје, почнувајќи од денеска. Владимир Путин возврати со предлог Русија и Украина да се сретнат на преговори в четврток во Истанбул.
