Вести › Набрзинка

Ванковска ѝ раскина на Нова Македонија заради необјавена колумна

24 февруари 2025

После долгогодишна соработка која ја памети по дадената слобода, професорката Билјана Ванковска реши да прекине да пишува за Нова Македонија во која беа објавувани нејзините колумни (кои со задоволство често ги пренесувавме), откако донеле одлука да не го објават нејзиниот последен текст „Ние и Јенкитe- суперсила!“
„Јас моите ставови и поглед на свет не можам да ги сменам, ниту сакам да го правам тоа. Да пишувам под страв дека за 10 минути може да ми се јавите и љубезно да ме замолите да ја повлечам колумната на која сум потрошила многу време да ја напишам? Да газам на јајца да не навредам некого (или налутам адвокат, да се плашам од тужба и сл.)? Каков колумнист ќе биде Ванковска која си ги мери зборовите?“, им пишала таа на луѓето во НМ.
„Подготви се народе, иако зборуваат за завршување на војната во Украина, ќе следуваат нови закани, па затоа ќе трпиме распаднати болници, училници, па и државни установи – но за НАТО ќе има пари“, пишува Ванковска во „спорната“ колумна која подолу на линкот ја имате на нејзиниот Фејсбук профил.

извор

Франција меѓу Хитлер и Зјелински

28 март 2026

Во мало француско гратче утре се одржуваат не баш историски избори кои сепак добија глобален публицитет.
Во трката за градоначалник на Арсис-сур-Об за реизбор за бори Хитлер а противкандидат му е Зјелински.
Шарл Хитлер е навикнат на мајтап со неговото презиме и цртање мустаќи на постерите но малку му е незгодно кога ќе прочита дека 37% од неговото место се Хитлеровци.
Францускиот Хитлер е центрист додека оној спроти него, 28 годишниот Антоан Рено Зјелински е од крајно-десничарскиот патриотски блок.
Хитлер објаснува дека му е криво што вниманието е свртено само околу презимињата на кандидатите а не нивните политики.
Самото место во кое живеат само 2.785 жители името го добило по едно место близу Одеса во Украина, каде во 1814 се одвивала една од битките на Наполеон.

извор

ЕУ се брани од слободната трговија како Северна Кореја

28 март 2026

Европската унија од 1 јули годинава воведува нова фиксна давачка за мали пратки со вредност под 150 евра, мерка што директно ќе ги погоди и пратките од платформи како ТЕМУ и АлиЕкспрес.
Давачката ќе изнесува три евра по пратка а до ноември се најавува и дополнителна такса „за обработка“.
Лани 5,8 милијарди мали пратки со ниска вредност испратени директно до потрошувачите влегле во ЕУ. Над 90 проценти доаѓаат од Кина.

извор