- Федералниот советодавен панел за вакцини побара да се отфрли воспоставената препорака сите новороденчиња во САД да бидат вакцинирани против хепатитис Б неколку часа по раѓањето.
- Новиот состав на Советодавен комитет за практики на имунизација (ACIP) гласаше препораката за вакцинирање да важи само за новороденчиња чии мајки се позитивни на тест за хепатитис Б или во случаи кога статусот на мајката е непознат. За други новороденчиња, комитетот предложи одложување на вакцинацијата додека детето не наполни два месеци, освен ако родителите и лекарите не одлучат поинаку.
- Повеќе од 30 години задолжителното вакцинирање се поврзуваше со намалување на инфекции на црниот дроб во детството. Хепатитис Б, вирусна инфекција на црниот дроб, најчесто се шири преку сексуален контакт или споделени игли, но заразени мајки при породувањето можат да ја пренесат на своите бебиња, зголемувајќи го ризикот од хронични заболувања, цироза и рак.
- Членовите на комитетот назначени од министерот за здравство Роберт Кенеди Џуниор тврдат дека ризикот од инфекција кај повеќето новороденчиња е низок и дека претходните студии за безбедност не биле соодветни. Притоа изразиле загриженост дека медицинските лица не ги запознаваат темелно родителите со ризиците и придобивките од вакцинацијата на новороденчиња.
- Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
- Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
- Делова играла во 60-тина претстави во Драмски театар, а глумеше и во над 30 филмови.
- Луѓето кои користеле канабис во која било фаза од својот живот имаат поголеми волумени во мозочните региони поврзани со меморијата, учењето и извршните функции.
- Користејќи податоци од над 25.000 луѓе на возраст меѓу 40 и 77 години, истражувачи откриле дека умерената употреба на канабис во текот на животот е во корелација со зголемување на големината на четири битни региони во мозокот - хипокампусот, амигдалата, каудатното јадро и и путаменот.
- Со оглед на тоа што овие мозочни региони се поврзани со клучни атрибути како што се емоциите, моторната контрола и меморијата, истражувачите решиле да истражат како употребата на канабис влијае врз когнитивната кондиција од средината на животот па понатаму.
- Испитувајќи податоци од 16.728 лица, уште еднаш потврдиле дека умерената употреба е поврзана со подобри перформанси во задачи што вклучуваат учење, брзина на обработка на податоци и краткорочна меморија.
- Неодамна во Македонија беа запленети 40 тони марихуана. Знаете ли колку мозочен волумен може да добие колективниот ум на Македонецот кој во свeтски споредби и онака кубури со IQ?
- Кажавме што имаме да кажеме.
