- Кире Богатинов, Горан Лазаров и Александар Темелков ја злоупотребиле службената положба за дискотеката „Пулс“ и добија една или по две години условни казни затвор.
- Судијката Петровска рече дека полицајците од октомври 2023 до февруари 2024 година пишувале записници за прекршоци, за пропуштање малолетници, но во нив внесувале неточни податоци.
- Наместо за активната фирма, ММММ Кафе ДООЕЛ од Кочани и одговорното лице Митко Стојанов, прекршокот го внесувале на фирмата „Класик ДМ ДООЕЛ“ од Кочани.
- „Формата била запазена, но суштината изостанала“, истакна судијката.
- Легендарната југословенска марка автомобили Југо се враќа на пазарот речиси 20 години по завршувањето на производството.
- Лани во Германија беше презентиран новиот дизајн а актуелниот сопственик сопственик на марката, српскиот бизнисмен и универзитетски професор Александар Бјелиќ, обелодени нови детали ои најави дека првиот прототип ќе биде покажан на белградското ЕКСПО 2027.
- Новото Југо ќе има хибриден погон со технологија за продолжување на дометот (range extender), што значи дека моторот со внатрешно согорување првенствено ќе служи како генератор за производство на електрична енергија. Автомобилот нема да зависи од инфраструктурата за полнење и нема да има надворешен кабел за полнење.
- Потрошувачката на гориво би требало да биде исклучително ниска - во идеални услови само 2,2 литри на 100 километри.
- Предвидената цена му е 12.000 евра со што ќе биде еден од најевтините автомобили во Европа.
- Шпанското Министерство за права на потрошувачите го блокираше пристапот до онлајн обложувалниците Полимаркет и Калши додека спроведува истрага дали овие дигитални пазари на предвидувања можат да работат без лиценца за коцкање.
- Се очекува истрагата да трае помеѓу три и четири месеци.
- Поради легални причини, пристапот до Полимаркет и Калши е целосно блокиран во повеќе од 15 европски земји, вклучувајќи ги Франција и Британија. Германија и Италија дозволуваат преглед на предвидувањата, но забрануваат обложувања.
- Корисниците на Полимаркет и Калши поставуваат облози за најразновиден тип настани, од политички одлуки, преку кажани зборови во изјави, па сè до временски услови на специфична локација.
- Полимаркет особено е под надзор откако се откри дека корисници поставувале точни облози за изјавите на Трамп за војната во Иран и за воената акција на САД во Венецуела.
