Вести › Набрзинка

Уште една импотентна одлука на Хаг

28 јануари 2024

Панел од 17 судии на Меѓународниот суд на правдата со седиште во Хаг му наложи на Израел да спроведе „мерки за спречување геноцид во Појасот Газа“.
Ова се однесува само на дел од случајот што Јужна Африка го покрена пред највисокиот суд на ОН за тоа дека Израел веќе врши геноцид врз Палестинците во Газа.
Пресудата не е извршна а наредбата е симболична бидејќи оваа институции (како што паметиме од случајот кој Македонија го доби против Грција) нема начини да ја спроведе.
На вистинскиот правен случај за тоа дали Израел е виновен за геноцид ќе му требаат неколку години за да се пробие низ судот.
„На Израел не му треба некој да му држи морални лекции“, дрско реагираше министерот за одбрана Јоав Галант.

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор