- „Неговиот ангажман со УНИЦЕФ е суспендиран на неодредено време,“ соопшти организацијата за деца на ОН по обвинувањата за сексуално малтретирање на адреса на Рамбо од продуцентка на ТВ емисијата Дневница.
- „На снимање на една епизода доживеав сексуално вознемирување од страна на нашиот гостин, гиолемиот интелектуалец, регионално позната и влијателна личност, амбасадорот на добра воља на УНИЦЕФ, Антонио Пушиќ, попознат како Рамбо Амадеус“, напиша на Инстаграм Лејла Кашиќ, продуцентка на емисијата на РТ Црна Гора.
- Изгледа ѝ рекол дека е „лудача и глупача.“ Однесувањето на Рамбо го осуди и авторот и водител на емисијата, Владан Оташевиќ, велејќи дека тоа не му личи на „реномето и годините. “
- Стотици студенти вчера демонстрираа во Љубљана со барање Словенија да истапи од НАТО и да ги пренамени трошоците за одбрана.
- Протестот се одржа само еден ден по самитот на НАТО во Анкара, на кој членките се согласија да ги зголемат трошоците за одбрана на 5% од својот БДП до 2035 година - 3,5% за основните одбранбени потреби и уште 1,5% за пошироки инвестиции во безбедноста.
- Според проценките на НАТО, Словенија може да биде единствената членка на Алијансата што оваа година ќе потроши помалку од 2% од БДП за основни одбранбени потреби. Премиерот Јанез Јанша изјави дека Словенија ќе ги исполни своите обврски.
- Претседателот на Народното собрание, Зоран Стевановиќ, побара паралелно со локалните избори закажани на есен да се одржи и референдум за членството на Словенија во Алијансата.
- Четири месеци пред изборите за Конгресот, претседателот Доналд Трамп ги отпушти и преостанатите тројца членови од независната федерална комисија која ѝ помага на администрацијата во спроведувањето на изборниот процес.
- Четиричлената комисија формирана во 2003 година официјално постои, но нема ниту еден член. Комесарот предложен од републиканците поднесе оставка, а двајца назначени од демократите добиле имејл од Белата куќа дека им завршува должноста.
- Улогата на Комисијата за изборна помош е да собира информации за изборната администрација, да акредитира лаборатории за тестирање, да сертифицира системи за гласање и да го одржува националниот формулар за регистрација на гласачи по пошта.
- Одлуката на Трамп се поврзува со неговото инсистирање граѓаните да приложат документ за американско државјанство за да им се овозможи да гласаат на избори.
