Вести › Набрзинка

УЧК ќе слават Нова година заедно

21 декември 2021

Лидери на ОВК кои се наоѓаат во хашкиот притвор добиле дозвола новогодишните празници да ги слават заедно.
Станува збор за Хашим Тачи, Кадри Весели, Јакуп Красниќи, Реџеп Селими, Хисни Гуцаи, Насим Харадинај, Салих Мустафа и Петр Шаља.
Обвинети се за воени злосторства и злосторства против човечноста во 40 места на Косово и во Албанија во кои луѓе биле лишувани од слобода, мачени и убивани.

п.с. Случаите на воени злосторства што од Хашкиот трибунал ѝ беа пренесени на македонските власти, по законски сомнителен политички договор зад затворени врати, никогаш не резултираа со кривично гонење (Балканска транзициона правда).

извор

ЕУ го продолжи онлајн надзорот на приватни пораки до 2028 година

24 јули 2026

По повеќемесечно натегање, прегласување и политички игри во Брисел, ЕУ го усвои привременото продолжување на контроверзниот закон за скенирање на приватни онлајн пораки.
Законот Chat Control ќе важи до 3 април 2028 година. На платформите им се дозволува доброволно да ги скенираат пораките со цел да откријат и да пријават материјали поврзани со сексуална злоупотреба на деца.
Граѓански организации и активисти за дигитални права предупредуваат дека секоја форма на масовно автоматизирано скенирање на приватните разговори создава опасен преседан за надзор на граѓаните.
Законот го поддржаа 25 членки на ЕУ. Холандија беше воздржана, а единствено против беше Полска, која традиционално има многу цврст став против мерки за надзор врз комуникациите, сметајќи дека тие ја нарушуваат приватноста и правото на тајност.
Целосно заштитени од проверка ќе останат само комуникациите преку платформите што користат шифрирање од крај до крај (end-to-end encryption), како WhatsApp или Signal.

извор

Трамп воведе нови царини за над 80 земји

24 јули 2026

Претседателот Доналд Трамп објави царини од 10% до 12,5% за повеќе од 80 земји, за да ги заменат досегашните царини од 10% кои имаа привремен карактер и истекуваа денеска.
Новите царини стапија на сила веднаш. Покриваат земји што учествуваат со вкупно 99,4% од американскиот увоз.
Трамп се повика на друга законска одредба за новите царини – „мерка против земји што спроведуваат неоправдани, неразумни или дискриминаторски трговски практики“ - за да не може да бидат поништени од Врховниот суд како претходните.
Со новите царини се опфатени најголемите трговски партнери на САД - сите членки на Европската Унија, Британија, Канада, Мексико, Кина, Индија и Австралија. Остануваат на сила и сите други дополнителни царини воведени на разна основа и за специфични сектори.
Македонија не е засегната со новите царините, затоа што во февруари склучи билатерален договор со САД. Македонија ги укина сите давачки за американски индустриски и земјоделски стоки, а САД задржаа царина од 15% за македонски производи.

извор