Вести › Набрзинка

Убијците од австралиската плажа биле татко и син

14 декември 2025

Напаѓачите од сиднејската плажа Бонди биле 50 годишен и 24 годишен маж. Татко и син. Непотврдено: од Пакистан. Постариот имал дозвола за оружје и држел шест легални парчиња.
Таткото бил убиен во престрелка со полицијата а синот е во критична но стабилна состојба, пишува Гардијан. На местото биле најдени и две импровизирани експлозивни направи.
Бројот на загинати се искачи на 16 а во болници се 42 лица. Има загинато 10 или 12 годишно девојче како и човек кој како дете преживеал гулаг во Сибир.
Бидејќи масакрот се случи за време на прославувањето на еврејскиот празник Ханука, актот во моментов се смета за антисемитски чин.

Пазете сега ова:

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.