Започна и се одложи судењето на Љубе Крстевски и Бранко Билбиловски, обвинети за бруталното претепување на кучето Феликс во ноември лани. Еден од обвинетите и неговата одбрана го немале примено обвинителниот предлог, ниту пак решението за одлука за предложената мерка за обезбедување присуство.

Пред и додека траеше судењето, активисти за заштита на животните протестираа пред Кривичниот суд. Со транспаренти во рацете побараа правда за кучето Феликс кое угина после двомесечно лекување од тешките повреди.

Гневот кон обвинетите ескалираше по завршувањето на рочиштето, кога двајцата обвинети излегоа од судот од споредниот влез, а активистите кои протестираа почнаа да ги бркаат, навредувајќи ги со погрдни зборови.

Министерството за надворешни работи на Русија смета дека процесот против Додик од самиот почеток бил пародија на судството и отворено исмејување на основите на владеењето на правото.

Москва оценува дека прогонот на Милорад Додик има чисто политички карактер, инспириран од Западот, кој со своите марионети во правосудните органи на Босна и Херцеговина се надеваат на елиминација на политичките сили на Република Српска од политичката сцена, “оние кои даваат отпор на евроатлантскиот неоколонијализам“.

„Одговорноста за ваквиот развој на настаните ќе ја сносат оние кои фабрикуваа неуставен и антидејтонски случај против Република Српска доведувајќи го процесот на меѓународно помирување во ќорсокак“, наведува руското МНР.