- Американскиот претседател Доналд Трамп го осуди рускиот напад врз Киев, во кој загинаа девет лица и десетици беа ранети.
- „Не сум среќен со руските напади врз Киев. Не се потребни и во лошо време. Владимир, СТОП! Гинат по 5000 војници секоја недела. Ајде да склучиме договор за мир“, му порача Трамп на рускиот претседател Путин.
- Трамп претходно го критикуваше и украинскиот претседател Володимир Зеленски, поради изјавата дека Киев не може да го прифати полуостровот Крим за дел од Русија, како што наводно е предвидено во мировниот предлог на САД.
- „Оваа изјава е штетна за мировните преговори со Русија“, порача Трамп.
- Уште при кавгата во Овалната соба во март Трамп му кажа на Зеленски дека „Крим е изгубен веќе со години“ и дека „воопшто не е точка за дискусии“.
- Полска најави дека официјално ќе поднесе барање за воени репарации од Русија, за злосторства извршени од Црвената армија во Втората светска војна и во периодот на советските интервенции во Студената војна. Премиерот Доналд Туск наредил формирање тим историчари за да ги проценат штетите.
- Варшава веќе побара од Германија да ѝ плати 1.300 милијарди поради злосторствата извршени од нацистичките сили за време на Втората светска војна. Канцеларот Фридрих Мерц одговори дека од перспектива на Берлин, прашањето за репарации одамна е правно и политички затворено.
- Бартош Гондек, директор на институтот задолжен од Туск, изјави дека истрагата за Русија е пообемна, со оглед на тоа што Полска поминала четири децении под советско влијание.
- Коментирајќи ја заканата од Полска, портпаролката на руското Министерство за надворешни работи, Марија Захарова изјави: „Како репарација, можеме да обезбедиме линк до видеото од операта Иван Сусанин“.
- Поранешниот украински министер за енергетика, кој е обвинет за злоупотреба на над 100 милиони долари од енергетскиот сектор, може да биде ослободен од притвор со кауција од околу 10 милиони долари.
- Херман Халушченко, кој важи за близок до претседателот Зеленски, беше приведен при обид да ја напушти Украина со воз, непосредно пред официјално да му биде предадено известувањето дека е осомничен во случајот со висока корупција „Мидас“ за злоупотреба на 112 милиони долари од енергетскиот сектор, испрани преку офшор структури, криптовалути и инвестиции во фонд регистриран на островот Ангила.
- На сметки на семејството на Халушченко во Швајцарија биле префрлени 7,4 милиони долари, плус уште 1,3 милиони швајцарски франци и 2,4 милиони евра во готово.
- Парите биле потрошени за образование на децата на Халушченко во престижни училишта во Швајцарија или биле депонирани на сметки на неговата поранешна сопруга.
- Во исто време, енергетскиот систем нема средства за поправка по руските бомбардирања и Украинците останаа без струја и греење во неовобичаено студената зима.
