Вести › Набрзинка

Трамп уште еднаш ги повлекува САД од УНЕСКО

22 јули 2025

Претседателот Доналд Трамп ги повлече Соединетите Американски Држави од агенцијата на ОН за култура и образование, повторувајќи го потегот од неговиот прв мандат кој подоцна беше поништен од Џо Бајден.
„Претседателот Трамп одлучи да ги повлече Соединетите Американски Држави од УНЕСКО – кој поддржува воук, раздорни културни и социјални каузи кои се целосно спротивни на политиките на здрав разум за кои гласаа Американците во ноември“, соопшти Белата куќа.
Шефицата на УНЕСКО, Одри Азуле, изјави дека длабоко жали за одлуката на Трамп, но дека таа била „очекувана и УНЕСКО се подготвил за неа“. Агенцијата ги диверзифицирала своите извори на финансирање и само околу 8% од буџетот доаѓа од Вашингтон.
Во меѓувреме, Пекинг стана најголем финансиски поддржувач на Агенцијата.
Прв од УНЕСКО ја повлече земјата претседателот Роналд Реган во 1983 година.

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор

Руски милијардер најде решение за економијата: да се работи 6 дена по 12 часа

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.

извор