Вести › Набрзинка

Трамп се закани со трговска блокада на ЕУ поради Канада

17 септември 2026

Доналд Трамп ѝ се закани на Европската Унија со „сериозни царини“ и трговска блокада ако оцени дека прифаќањето на Канада за придружна членка е непријателски чин насочен против САД.
Брисел и Отава се во процес на дефинирање на „придружното членство“, со оглед на тоа што таков статус моментално не постои според законодавството на ЕУ.
„Ако станува збор за добра намера, тоа е во ред. Но, ако е лоша намера, ќе воведеме многу високи царини за Европа или ќе престанам да тргувам со Европа за многу работи“, изјави Трамп.
Иницијативата е големо разочарување за Трамп, кој упорно повикуваше Канада да стане 51-ва американска држава. Ја оцени како „смешна“ и ги предупреди Европејците дека Канада е „ужасен трговски партнер“.

7 октомври 2026

Нема притвор за вишиот јавен обвинител Пецо Везироски кој вчера беше уапсен поради сомнежи за влијание врз судски предмети.
Од Кривичниот суд појаснуваат дека, имајќи предвид оти судот не може да определи построга мерка од онаа што ја предложил јавниот обвинител, му се определени мерки за претпазливост - да му се одземе пасош и да не оди на работа.
Обвинителството претходно соопшти дека постојат основи на сомнение дека осомничениот го користел своето влијание и службената положба за недозволено да влијае врз одлучувањето на колеги обвинители и судии во најмалку четири предмети.
Според Обвинителството, тој ургирал за пониски казни или за поповолна положба на осомничени или обвинети лица во кривични постапки.

7 октомври 2026

50 годишната Криста Пајк која во нејзината неуспешна егзекуција преживеа две смртоносни дози инјекција во Тенеси, закрепнува, свесна е и може да зборува.
„Спротивно на сите очекувања, Криста Пајк се освести. Таа може да зборува, но сè уште ја добива неопходната медицинска нега. Останува со лисици на рацете и врзана за кревет“, се вели во соопштението на нејзиниот адвокатски тим.
Таа требаше да биде првата жена погубена во Тенеси по повеќе од 200 години. Ѝ биле вбризгани две дози пентобарбитал, нешто од кое досега никој нема преживеано, пишавме во „Не ја погубиле ни со две смртоносни инјекции“.