Вести › Набрзинка

Трамп се закани со царини за сите што ѝ носат нафта на Куба

30 јануари 2026

Американскиот претседател Доналд Трамп им се закани со воведување нови царини на сите земји што директно или индиректно ѝ испорачуваат нафта на Куба.
Тоталното ембарго за нафта уште повеќе ќе ја влоши енергетската криза на Куба – може да го парализира производството на струја, земјоделското производство, водоснабдувањето и здравствените услуги.
„Која е целта? Геноцид врз кубанскиот народ. Сите сфери на животот ќе бидат задушени“, соопшти кубанската влада.
До почетокот на јануари, кубанската економија опстануваше благодарение на нафтата што ја добиваше од Венецуела. Откако САД го грабнаа Николас Мадуро од Каракас и ја прогласија венецуелската нафта за своја, беше прекината испораката на 35.000 барели нафта на ден за Куба.
Новата закана со царини од Трамп најмногу се однесува на Мексико, кој сега е главниот доставувач на нафта за Куба.

извор

АфД и Орбан бараат отштета од Киев за саботажата на Северен тек

30 јануари 2026

Унгарскиот премиер Виктор Орбан ја поддржа лидерката на АфД, Алис Вајдел, која побара од Украина да ѝ плати на Германија 70 милијарди евра поради саботажата на гасоводот Северен тек 2. Сумата е еквивалентна на досегашната помош од Берлин за Киев.
Украински специјалци се обвинети дека по наредба од Киев во 2022 година го разнеле гасоводот, финансиран од Берлин и Москва, за транспорт на руски гас до Германија. Серхиј Кузњецов, еден од седумте осомничени саботери, е во притвор во Германија и чека судење.
„Ќе бараме отштета. Ние им плаќаме на Украинците и на Зеленски за да го кренат во воздух нашиот гасовод. Земјата што ни го направи ова не може да биде наш пријател и тоа мора јавно да се прифати“, изјави копретседателката на АфД. „Алис Вајдел е во право!“, забележа Орбан.

Орбан претходно истакна дека „Унгарија не бара конфликт со Украина“, но со денови е изложена на закани, вклучително и од екстремистички воени групи.
„Нема да испраќаме пари во Украина, подобро е да завршат кај унгарски семејства отколку во бањата на украински олигарх... Нема да дозволиме Украина да биде турната во ЕУ во рок од две години, со газење на законите на ЕУ. Тоа би значело и увоз на војна“, објави Орбан.

извор

Епл извади две милијарди долари за загадочен израелски стартап

30 јануари 2026

Епл ќе плати близу 2 милијарди долари за да го има Q.ai.
Тоа ќе ја направи оваа аквизиција на Епл втора најголема досега, откако плати 3 милијарди долари за популарниот бренд за слушалки и аудио Beats во 2014 година.
Q.ai е изралески стартап кој работи на технологија базирана на вештачка интелигенција за аудио.
Имаат развиено технологија што може да „анализира изрази на лицето“ за да се разбере тн „silent speach“. Се користи во слушалки или очила и користи „микро движења на кожата на лицето“ за комуникација без зборување.
Ова би можело да го отвори патот за „невербални дискусии“ со Сири.

извор