Трамп: Прво договор за украинските руди, потоа за примирје
24 март 2025
- Претседателот Доналд Трамп очекува многу скоро Вашингтон и Киев да постигнат договор за поделба на приходот од украинските минерали. На средбата зад затворени врати во Ријад се разговара и за украинските нуклеарни централи.
- САД и Украина требаше да го потпишат договорот за минералите на 28 февруари, но наместо со свечена церемонија, посетата на украинскиот претседател Володимир Зеленски на Вашингтон заврши со кавга пред камери со Трамп и со потпретседателот Џеј Ди Венс.
- „Сега разговараме за територија. Разговараме за линии на демаркација, за енергетиката, за сопственоста на нуклеарните централи. Некои луѓе велат дека САД треба да ги поседуваат централите, бидејќи ја имаме експертизата“, изјави Трамп пред кабинетот.
- Зеленски пред неколку дена изјави дека со Трамп разговарал за една нуклеарна централа „која е под руска окупација“. Таква е „Запорожје“ најголемата нуклеарна централа во Европа.
