- Претседателот Доналд Трамп го потпиша законот што ја обврзува администрацијата да ги објави сите документи поврзани со педофилот Џефри Епстин.
- До пред еден месец Трамп се противеше на објавување на документите, но на тоа го притиснаа и демократите и неговите републиканци, кои едногласно го изгласаа законот во Претставничкиот дом и Сенатот.
- Со потписот на Трамп почнува рокот од 30 дена во кој Министерството за правда треба да ги објави сите документи и комуникации на Епстин, вклучувајќи ги и информациите од истрагата за сомнителното самоубиство на Епстин во обезбедувана ќелија на федерален затвор во 2019 година.
- Министерството може да заштити имиња на жртви на Епстин, но не смее да прикрива информации поради „загрозување на репутацијата“ или „политичка чувствителност“.
- Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
- Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
- Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.
- Предлогот на американскиот претседател Доналд Трамп за преименување на вештачката интелигенција (AI) во супер интелигенција (SI) повлече рекордно зголемување на регистрациите на словенечки интернет домени (.si).
- Националниот регистар на Словенија објави дека во септември имало огромна побарувачка за .si домени: биле регистрирани 44.000 .si адреси, а само месец претходно имало помалку од 2.000.
- Тоа е зголемување од речиси 2.200 проценти.
- Праксата за шпекулативно купување домени се вика "cyber-squatting" и целта е тој подоцна да се продаде по висока цена. Рик Шворц во 1997 го купи men.com за 15.000 долари. Седум години подоцна го продаде за 1,32 милиони долари.
- Толку е веста. Легни.си.
