Трамп му го скрати рокот на Путин за да ја запре војната во Украина
28 јули 2025
- Доналд Трамп ѝ постави нов рок на Русија од 10 до 12 дена да направи чекори за крај на војната во Украина „за да не се соочи со последици“.
- Трамп веќе ѝ се закани на Москва со индиректни санкции за земјите што купуваат руска нафта. Тогаш ѝ даде рок од 50 дена, кој изминуваше на почетокот на септември.
- Ѝ давам нов краен рок од околу 10 до 12 дена, почнувајќи од денеска. Нема причина да се чека. Не гледаме никаков напредок, изјави Трамп по средбата со британскиот премиер Кир Стармер во Шкотска.
- Трамп рече дека нема никаква намера да разговара со рускиот претседател Владимир Путин, туку ќе го притисне со санкции и царини.
- „Нема причина да се чека. Ако го знаете одговорот, зошто да се чека? И ќе има санкции и можеби царини, индиректни царини. Јас не сакам да ѝ го направам тоа на Русија. Јас ги сакам Русите. Разочаран сум од претседателот Путин. Ќе му ги скратам 50-те дена што му го дадов, бидејќи мислам дека веќе го знам одговорот“, изјави Трамп.
