- Доналд Трамп изјави дека „глупавата“ одлука на Британија да ги отстапи островите Чагос на Маврициус е една од причините зошто инсистира да го присвои Гренланд.
- „Шокантно, нашиот „брилијантен“ сојузник на НАТО, Обединетото Кралство, планира да му го предаде на Маврициус островот Диего Гарсија, местото на витална американска воена база, и тоа без никаква причина. Нема сомнение дека Кина и Русија го забележаа овој чин на целосна слабост... Давањето на исклучително важно земјиште од Британија е чин на ГОЛЕМА ГЛУПОСТ и е уште една од долгата низа причини зошто Гренланд мора да биде припоен заради националната безбедност“, порача Трамп.
- Британија потпиша договор од 3,4 милијарди фунти за отстапување на суверенитетот над островите Чагос на Маврициус. Според договорот, Британија на 99 години ќе го изнајмува најголемиот остров, Диего Гарсија, за да продолжи да оперира заедничката воена база што ја има со САД.
- Критичари велат дека договорот ѝ отвора можности на Кина да го прошири своето присуство во регионот на Индискиот Океан, поради нејзините блиски односи со властите на Маврициус.
- Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
- Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
- „Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
- Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.
- Честите заминувања на Доналд Трамп по голф терени, во првите 14 месеци од вториот мандат ги чинат американските даночни обврзници 101,2 милиони долари, трошоци за патување и обезбедување.
- Тоа се веќе околу две третини од целата негова голф сметка во првиот мандат, што не беше мала.
- Со ова темпо, вкупната сума би можела да се искачи до 300 милиони долари до крајот на неговиот втор мандат.
- Последен пат на голф беше во Вест Палм Бич. 56 пати бил таму од инаугурацијата во 2025 година.
- Од 435 дена на функција, 110 дена играл голф.
- А вие го мислите дали е арен.
