Трамп: Европските лидери се слабаци, само зборуваат и ништо не прават
9 декември 2025
- Европа е „група на нации што се распаѓа“, предводени од слаби лидери, кои ниту можат да ја контролираат миграцијата ниту да ја запрат војната во Украина, вели Доналд Трамп во интервју за Политико. Тој најави дека активно ќе ги поддржува европските политичари што ја поддржуваат неговата визија како треба да изгледа модерна Европа.
- За европската политика за миграција тој оценува: „Во Европа доаѓаат од цел свет, не само од Блискиот Исток, туку и од Конго, уште полошо, од затворите во Конго. И од некоја причина тие сакаат да бидат политички коректни и да не ги вратат од каде што дошле. Мислам дека тоа е спротивно на политички коректно“.
- За односот на европските лидери кон војната во Украина: „Тие само зборуваат и не прават ништо. А војната си трае, веќе четири години, уште пред да дојдам тука. Што се однесува до Америка, ова не е моја војна. Ова е војна на Џо Бајден. Но, мразам да гледам како се убиваат млади луѓе. Затоа се вклучив, во мировните напори“, изјави Трамп.
- За мировните преговори: „Русија е во многу подобра преговарачка позиција затоа што е многу поголема земја... Зеленски мора да го прочита мировниот план. Многу луѓе гинат и би било добро да го прочита. На неговите луѓе им се допадна, но велат дека тој не го прочитал. Нека најде време и нека го прочита“.
- За иднината на Украина: „Време е за избори. Помина многу време. Ја користат војната за да не одржат избори, но Украинците мора да имаат избор... Кој знае, можеби Зеленски ќе победи?“.
