Вести › Набрзинка

Тетовскиот суд изрече само две години затвор за фатално прегазување на пешачки

7 април 2025

Две години затвор му досуди судијата Елведин Ферати на обвинетиот Менсур Пајазити кој пред три години смртно ја прегази 22-годишната тетовчанка Теодора Ристевска.
Пајазити возел БМВ по булевар и не закочил навреме кога Теодора поминувала на обележан пешачки премин.
„Во процесот што се водеше против Менсур Пајазити, тој призна дека ја одолговлекувал правдата, а и такви одговори добивме и од институциите. Во својот завршен збор обвинетиот ниту еднаш не го слушнавме дека изразува каење, жалење и извинување за тоа што се случило“, рече адвокатката на семејството Ристовски.
По сообраќајната несреќа во август 2022 година, на првото судење во ноември 2023 година, по признавање на вина, Пајазити беше осуден на три години и шест месеци затвор. По жалба, Апелацискиот суд ја намали казната на две години затвор, па Врховниот суд ги укина двете пресуди на Основниот и Апелацискиот суд и предметот го врати на повторно судење.

извор

ЕДС меѓу Топ 200 најуспешни и најголеми компании

29 октомври 2026

извор

Директорката на РТС поднесе оставка

29 октомври 2026

Директорката на српската државна радио-телевизија, Мања Грчиќ, поднесе оставка на функцијата по победата на Студентската листа на парламентарните избори.
На средба со претставници на синдикатот изјавила дека е свесна дека кај дел од јавноста, нејзиното останување на функцијата се смета за „пречка за промени“. Пред да замине од РТС, ја смени главната уредничка на Информативната програма, Бојана Младеновиќ.

Претходно претставникот на Студентската листа, Немања Каровиќ, гостувајќи на РТС го обвини раководството на државниот радио-дифузен сервис за долгогодишно пристрасно известување, отворено фаворизирање на владата на Александар Вучиќ и за „сервилен став кон режимот“.

Радио-телевизија Војводина, пак, ја почна својата централна информативна емисија со извинување до гледачите поради „долгогодишните пропусти во известувањето“.
„Јавниот сервис со години не ја исполнуваше својата функција. Се премолчуваше, се затвораа очите пред одредени појави, се известуваше еднострано и некритички, а вистинските прашања не се поставуваа или воопшто ги немаше. Поради тоа, им должиме извинување на гледачите“, прочита водителот.

извор