Вести › Набрзинка

Техеран: Агресорите ќе зажалат!

28 февруари 2026

Иран предупреди дека со сите свои капацитети и без црвени линии ќе возврати на агресијата од САД и Израел.
„Сите американски и израелски цели и интереси на Блискиот Исток станаа легитимна цел. По оваа агресија нема црвени линии и сè е можно, вклучително и сценарија што претходно не биле разгледувани“, рече изјави за Ал Џазира функционер од Техеран.
„Воената агресија од САД и од ционистичкиот режим против Иран претставува кршење на меѓународното право и принципите на Повелбата на Обединетите нации. Иранската нација отсекогаш покажувала трпение и воздржаност за да спречи ескалација и да ја зачува регионалната стабилност. Историјата покажува дека Иранците никогаш не се предале на агресија. И овој пат, одговорот на Иран ќе биде решителен, а агресорите ќе зажалат за своите непријателски постапки“, објави Министерството за надворешни работи на Иран.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор