- Банки, авиокомпании, медиуми и други бизниси и сервиси ширум светот беа погодени од глобалниот прекин поврзан со компјутерите со Windows.
- Во САД паднала и мрежата која ја користат итните служби 911.
- Сите летови на неколку големи американски авиокомпании – вклучувајќи ги Делта, Јунајтед и Американ Ерлајнс – беа приземјени поради проблем во комуникацијата. Проблеми имаат и амстердамскиот аеродром Скипол и лондонскиот Станстед.
- Во моментов се претпоставува дека техничкиот дефект се долж на проблеми со антивирусната апликација на Микрософт 365.
- Демонстранти фрлаа молотови коктели врз резиденцијата на премиерот Еди Рама, барајќи негова оставка поради корупција.
- Протестите ги организираше опозициската Демократска партија на Сали Бериша, откако обвинителството отвори истрага за министерката за инфраструктура Белинда Балуку, која воедно е вицепремиерка и пратеничка, поради местење тендери.
- Специјалното обвинителство за борба против корупцијата и организираниот криминал побара од Парламентот да ѝ го укине пратеничкиот имунитет на Балуку, за да може да биде уапсена.
- Бериша најави нови протести и ги повика другите опозициски партии да се придружат.
- Претседателот Доналд Трамп објави дека САД ќе изградат „златна флота“ од над 20 големи борбени бродови за да ја задржат воената супериорност. Тој најави дека веднаш ќе почне конструкцијата на два брода, а флотата ќе има помеѓу 20 и 25.
- „Бродовите ќе бидат сто пати помоќни од кои било други некогаш изградени и од нив ќе се плашат непријателите на Америка низ целиот свет“, изјави Трамп.
- На новата веб-страница на која се промовира Златната флота се објаснува дека бродовите ќе бидат со големина од 30.000 до 40.000 тони, ќе имаат 650 до 850 морнари и ќе бидат опремени со најмодерно оружје, вклучувајќи хиперсонични ракети, ласери и крстосувачки проектили со нуклеарни бојни глави.
- Пред само еден месец Воената морнарица ги откажа плановите за изградба на нов тип мал воен брод поради пречекорување на трошоците, и се реши на пренамена на стариот тип бродови на крајбрежната стража. Пречекорени се и роковите и фондовите за изградба на нов носач на авиони од класата „Форд“ и подморници „Колумбија“.
- Изградбата на големи борбени бродови, како од класата „Ајова“ од 60.000 тони, запре по Втората светска војна, затоа што се оценети како непрактични. Фокусот беше префрлен на носачите на авиони.
